Kóliktegi ІІD-de «Kelimsek-2011» respýblıkalyq jedel- aldyn alý is-sharalary ótkizildi

dep habarlady vedomstvonyń baspasóz qyzmeti.

Іs-sharalar aıasynda Qazaqstan jer aýmaǵynda zańsyz shetel azamattarynyń jumys kúshin paıdalanýdyń aldyn alý maqsatynda 61 temirjol jáne áýe kólik kásiporyndary jáne 35 oqý mekemeleri tekserildi. Onyń barysynda 25 qylmys tirkelip, ashyldy, onyń ishinde 16 qylmys Qazaqstan azamattarymen, 9 qylmys shetel azamattarymen jasalǵan, onyń ishinde QR QK 330-1-babyna sáıkes «Sot sheshimin oryndamaýǵa» qatysty 2 qylmystyq is, QR QK 330-baby 1 tarmaǵyna sáıkes «QR memlekettik shekarasynan qasaqana ótýge» qatysty bir qylmystyq is qozǵaldy.

QR Kóshi-qon zańnamalaryn buzǵany úshin ákimshilik jaýapkershilikke 495 shetel azamaty tartyldy, onyń ishinde alys sheteldiń 4 azamaty da bar.

Qabyldaý-taratý ornyna 20 shetel azamaty, onyń ishinde 19 TMD azamaty jáne 1 alys shetel azamaty qamaldy.

Ákimshilik Sot sheshiminiń QR ÁQBTK 395-baby 2-tarmaǵyna sáıkes, 46 shetel azamaty el aýmaǵynan tysqary shyǵaryldy. Shetel azamattarynyń ýaqytyly Qazaqstan Respýblıkasynda tirkelý tártibin buzýǵa jol bergen 7 el azamatyna qatysty, QR ÁQBTK 395-baby boıynsha hattamalar toltyryldy.