Kóliktegi ІІD bastyǵynyń birinshi orynbasary ustaldy

ASTANA. QazAqparat - QR Іshki ister mınıstrliginiń Kóliktegi ishki ister departamenti bastyǵynyń birinshi orynbasary paraqorlyq qylmysy boıynsha kúdikke ilindi. Bul týraly Astanada ótken brıfıngte Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova málim etti, dep habarlaıdy QazAqparat.

«Sybaılas jemqorlyqqa qarsy is-qımyl ulttyq bıýrosymen jedel-izdestirý sharalaryn júrgizý barysynda Almaty, Qaraǵandy, Qostanaı jáne Qazaqstannyń ózge de oblystarynda «QAZAQSTAN - otyn-energetıkalyq kesheni»  JShS-niń óńirlik basshylaryna dızel otynyn jymqyrýda laýazymdy tulǵamen jalpy qamqorlyq jasaý deregi anyqtalǵan. Tergeýmen aldyn ala sóz baılasý arqyly adamdar toby aı saıyn «QTJ»Ulttyq kompanııasy» aktsıonerlik qoǵamynyń «QAZAQSTAN - otyn-energetıkalyq kesheni»  JShS-niń janarmaı qoımasynda saqtaýda turǵan dızel otynyn jymqyrǵandyǵy anyqtaldy», - dedi remı ókil.

Onyń sózine qaraǵanda, dızeldik otyndy jymqyrýdyń birneshe faktisi tirkeldi. Zalaldyń jalpy somasy anyqtalýda.

«Aǵymdaǵy jylǵy shilde - qyrkúıek aılary aralyǵynda Kóliktegi ishki ister departamenti bastyǵynyń birinshi orynbasary seriktestiktiń óńirlik basshylarynan birneshe ret qamorlyǵy úshin jalpy somasy 2,4 mln teńge para alyp otyrǵan. Aǵymdaǵy jylǵy 5-6 qazanda  Kóliktegi ishki ister departamenti bastyǵynyń birinshi orynbasary, «QAZAQSTAN - otyn-energetıkalyq kesheni»  JShS-niń  Qostanaı boıynsha fılıalynyń dırektory, sondaı-aq osy seriktestiktiń otyn qoımasynyń dırektory sot sanktsııasymen qamaýǵa alyndy», - dedi Janna Bastarova.