Kóliktegi bas sanıtarlyq dáriger: Poıyz jolaýshylaryn koronavırýsqa qarsy chıpteý týraly aqparat – jalǵan
Kóliktegi bas memlekettik sanıtarlyq dárigerdiń 2020 jyldyń 14 sáýirindegi № 9 «Qazaqstan Respýblıkasynda turaqty ishki temirjol qatynastary qalpyna keltirilgen kezdegi sanıtarlyq-karantındik baqylaý týraly» qaýlysyna sáıkes, temirjol poıyzdarynyń jolserikteri jolaýshylar arasynda saýalnama júrgizedi.
Saýalnama júrgizý maqsaty – temirjol qatynasynyń jolaýshylary arasynda koronavırýs ınfektsııasy tirkelgen jaǵdaıda olarmen baılanysta bolǵan adamdarǵa qatysty epıdemııaǵa qarsy shara júrgizý.
«Áleýmettik jeli men messendjerlerde (Facebook, WhatsApp, Instagram) tarap jatqan temirjol qatynasy kezinde jolaýshylar arasynda saýalnama toltyrý arqyly koronavırýs ınfektsııasyna (COVID-19) qarsy chıpteýge óz kelisimińdi berý degen aqparat – jalǵan», - dep atap ótti Sádýaqas Baıǵabylov.
Aıta keteıik, BAQ betterinde, ınternet resýrstarda, portaldarda kórineý jalǵan aqparat taratýshylar QR Ákimshilik kodeksiniń 456-1-baby 2-bóligine sáıkes ákimshilik jaýapqa tartylady. Atalǵan fakti boıynsha materıaldar quqyq qorǵaý organdaryna berilgen.