Kólikte telefonmen sóılesken 2400-den astam júrgizýshige aıyppul salyndy
ASTANA. QazAqparat - Elimizdiń ishki ister organdary respýblıka aýmaǵynda «Tártipsizdik pen quqyq buzýshylyqtarǵa múldem tózbeýshilik» atty keń aýqymdy aktsııa ótkizdi. Aktsııaǵa qatysty aqparatty QR ІІM baspasóz qyzmeti taratty, dep habarlaıdy QazAqparat.
Vedomstvo málimetinshe, sharaǵa 25 myńnan astam adam, onyń ishinde polıtsııa qyzmetkerleri, bilim berý, densaýlyq saqtaý jáne áleýmettik qorǵaý, prokýratýra organdarynyń, «Nur Otan» jáne qoǵamdyq qurylymdardyń ókilderi jumyldyryldy.
Aktsııa bastalǵan eki kún ishinde 28,7 myńnan astam ákimshilik quqyq buzýshylyq anyqtaldy. Onyń 1807-si usaq buzaqylyq bolsa, 1131-i tynyshtyqty buzý, 3408-i qoǵamdyq oryndarda ishimdik ishý, temeki shegýge tyıym salynǵan jerlerde tártipti buzýdyń 2714 fakti tirkelgen. Abattandyrý tártibin buzǵan 3 myń fakti esepke alynǵan.
Kólik basqarý kezinde uıaly telefondy paıdalanǵany úshin 2412 júrgizýshige, jyldamdyqty arttyrǵany úshin 1942 júrgizýshige, qaýipsizdik belbeýin qoldanbaǵany úshin 3671 júrgizýshige aıyppul salyndy. 394 mas júrgizýshi jáne jol erejesin buzǵan 1724 jaıaý júrginshi jaýapkershilikke tartyldy.
«Bilim berý uıymdarynda, sondaı-aq kásiporyndar men eńbek uıymdarynda túsindirý jumystary júrgizildi. Óńirlerde ІІD jáne qalalyq, aýdandyq organ basshylary, ýchaskelik ınspektorlar men kámeletke tolmaǵandarmen jumys jónindegi ınspektorlar 2,8 myńnan astam halyqpen kezdesý ótkizdi», - delingen habarlamada.
