Kólikpen azyq-túlik jetkizýge ketken: Joǵalǵan atyraýlyq jigit tabyldy
ATYRAÝ. QazAqparat – Atyraý oblysynda eki kún buryn joǵalǵan jigit tabyldy, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, 31 qańtarda 32 jastaǵy jigit joǵalyp ketken.
«Jylyoı aýdanynyń turǵyny 1 aqpanda 1990 jylǵy aǵasy Beıbit Qamysbaevtyń iz-túzsiz ketkeni týraly habar berdi. Joǵalǵan jigit «ÝAZ» avtokóligimen aýdan ortalyǵy – Qulsary qalasynan shamamen 65 shaqyrym qashyqtyqtaǵy Sarybulaq ýchaskesine azyq-túlik jetkizýge ketip, keıin oralmaǵan. Osy derekke baılanysty aýdandyq polıtsııa jáne tótenshe jaǵdaılar bólimderiniń qyzmetkerleri joǵalǵan adamdy birlese izdeýdi bastady», - dep habarlady departamenttiń baspasóz qyzmetinen.
Jedel izdestirý sharalarynyń nátıjesinde joǵalǵan er adam 2 aqpanda tańǵy saǵat 4:00 shamasynda «Qadııa» qystaǵynan tabyldy.
Eske sala ketelik, buǵan deıin Atyraý oblysynda joǵalǵan zeınetkerdi izdeýge 20 erikti qosylǵanyn jazǵan bolatynbyz. Mahambet aýdanynyń Beıbarys aýylynda turatyn 65 jastaǵy zeınetkerdi izdestirý sharalary úsh kún buryn bastalǵan edi.
