Kólikkommın búıir ramasyn jasaýshy-zavod talaptaryna saı kelmeıtin vagondardy paıdalanýǵa tyıym saldy
ASTANA. 31 qazan. QazAqparat - QR KKM Kóliktik baqylaý komıtetiniń temirjoldyń júk parkine júrgizgen jospardan tys tekserisi barysynda vagondarǵa tehnologııalyq úderisti buza otyryp jasalǵan tetikterdi ornatý jaǵdaılary anyqtalýda.
Aıtalyq, 65 júk vagonyna konstrýktsııasyna qataıtqysh elementtersiz 71 búıir ramasy ornatylǵan. Bul degen qumalardyń aqaýlary ornalasqan tustarynda jaryqshaq paıda bolyp, olardyń mort synýyna ákelýi mumkin.
1994 jyly shyqqan atalmysh búıir ramalar «Kremenchýgskıı stalelıteınyı zavod» AQK-nyń ónimi dep markalanǵan, alaıda kásiporynnyń ózi bul derekti rastamaı otyr.
Osyǵan baılanysty temirjol kóligindegi apatty jaǵdaılardyń aldyn alý jáne qaýipsizdigin qamtamasyz etý maqsatynda Kóliktik baqylaý komıteti «Kremenchýgskıı stalelıteınyı zavod» AAQ shyǵarǵan jáne nómirlenýi 21686-den asqan (14-shi tańba) búıir ramalarmen jaraqtalǵan júk vagondarynyń budan bylaı paıdalanylýyna tyıym saldy.
Aıta keterlik jáne bir jaı, 2012-2013 jyldarǵy kezeńde búıir ramalarynyń synyp ketýiniń 25 oqıǵasy oryn alǵan. Sonyń saldarynan shamamen 200 mln. teńgedeı shyǵyn kelgen.
Sonymen qatar tekseris sharalarynyń barysynda aǵymdaǵy jylǵy 9 aıda Komıtet tehnıkalyq talaptarǵa saı bolmaýy sebebine baılanysty 229 lokomotıvtiń, 2 331 vagonnyń, 158 arnaıy jol tehnıkasynyń paıdalanylýyn toqtatty.
