Kólikke «Sh» belgisin japsyrýdyń qajeti joq - Altynbaev
ASTANA. QazAqparat - Senattaǵy parlamenttik tyńdaýda senator Muhtar Altynbaev shegesi bar dóńgelekterdiń «Sh» belgisin múldem alyp tastaý kerektigin usyndy, dep habarlaıdy QazAqparat.
«Budyrly shegesi bar dóńgelekterdiń «Sh» belgisine qatysty ınternette talqylaýlar bolǵany belgili. Meniń oıymsha, «Sh» belgisin japsyrýdyń qajet joq. Erterekte avtokólik az bolǵan kezde, ıaǵnı bireýde shegesi bar dóńgelekter qoıylsa, bul bir dáýletti adam retinde kórinetin. Sondyqtan sol kezde budyrly shegeden qaýiptený turǵysynda «Sh» belgisi qoıylýy qajet bolǵan shyǵar. Al qazir barlyǵynda 100 paıyz osynda dóńgelekter taǵylǵan jáne «Sh» belgisin japsyrýdyń qajeti de joq sekild»,-dep toqtaldy senator.
«Jaz mezgilinde «Sh» belgisin alyp tastaý qajet pe?» degen saýal týyndaıdy. Bul belgini kóliktiń artqy áıneginen alyp tastasaq, terezeden kórý múmkindigi keńeıedi. Máselen, kólikke jańadan úırenip júrgende «Ý» belgisin, sonymen qatar múmkindigi shekteýli júrgizýshiniń belgisin, «KZ» jáne «Sh» belgisin jáne basqalaryn japsyra bergen kezde artqy tereze tolyqtaı jabylyp qalady»,-dedi Muhtar Altynbaev.
Óz kezeginde Іshki ister mınıstri Qalmuhambet Qasymov budyrly shegesi bar dóńgelekterdi sheshken kezde «Sh» belgisin de alyp tastaý kerektigin aıtty.
«Qajet dep sanasańyzdar, taǵy da talqylaıyq»,-dedi mınıstr.
Budan buryn habarlanǵandaı, QR Іshki ister mınıstrligi Memlekettik til jáne aqparat departamentiniń dırektory Almas Sadýbaev jazǵy dóńgelekke aýystyrylǵan kólikte «Sh» belgisiniń bolýy quqyq buzýshylyq ekenin málimdegen bolatyn.
