Kólikke arnalǵan eń arzan VIP nómir 198 myń teńge turady

PAVLODAR. QazAqparat - Pavlodar oblysynda VIP nómirdiń quny 1 mln teńgege deıin barady, eń arzany - 198 myń teńge, dep habarlaıdy QazAqparat «Azamattarǵa arnalǵan úkimettiń» oblystyq fılıalyna silteme jasap.

Eń qymbaty – 001 jáne 777 kombınatsııasy bar, sondaı-aq úsh birdeı áripti memlekettik tirkeý nómirleri.

«Klıent mamandandyrylǵan halyqqa qyzmet kórsetý ortalyǵynda kórsetilgen nómirlerdiń ishinen tańdaý jasaı alady. Nemese «suranystaǵy» nómirler men áripterdiń kómegimen óz qalaýynsha tapsyrys berse bolady», - deıdi «Azamattarǵa arnalǵan úkimet» KeAQ Pavlodar oblystyq fılıaly basshysynyń orynbasary Rahat Qoshanov.

Avtokólik satylǵan jaǵdaıda klıent óz atyndaǵy VIP nómirin arnaıy HQO-da saqtaýǵa quqyly.

Biraq kólik ıesi 30 kún ishinde dál osyndaı nómirmen jańa kólikti tirkemese, qymbat nómirdi saqtap qalý úshin ádette ústine 10 myń teńge tóleýge májbúr bolady.

«Ádemi» nómirdi ómir boıy paıdalanýǵa bolady.