Kólik júrgizýshilerine rýlde otyryp shylym shegýge tyıym salynýy múmkin
ASTANA. 19 maýsym. QazAqparat - Qazaqstanda kólik júrgizýshilerine rýlde otyryp shylym shegýge tyıym salynýy múmkin. Búgin Májilistiń jalpy otyrysynda «Jol júrisi týraly» zań jobasyn talqylaý barysynda depýtat Omarhan Óksikbaev osy máseleni kóterdi.
Depýtat sóz arsynda jyl saıyn jol apatynan elimizde 3 myńǵa tarta kisi kóz jumatynyn, basqa salalardyń eshbirinde munshalyqty adam shyǵyny bolmaıtynyn alǵa tartty. «Jol qozǵalysy tártibinde kólikti basqaryp bara jatqan tulǵa basqa sharýalarǵa aýytqymaýy kerek. Sonyń biri transportty júrgizip bara jatyp shylym shegý. Osyny zań arqyly tyısaq qaıtedi?» - dedi depýtat Omarhan Óksikbaev.
Óz kezeginde Іshki ister mınıstri Qalmuhanbet Qasymov zań jobasy boıynsha barlyq baptarda júrgizýshi jaýapkershiligi nyǵaıtylyp otyrǵanyn aıtyp, bul usynysty jumys tobynda talqylaýdy qoldady. «Ras, kóptegen elderde rýlde otyryp shylym shegýge tyıym salynǵan. Shyn máninde, bul júrgizýshini alańdatady. Árıne, shylym shegýdiń saldarynan qanshalyqty jol-kólik oqıǵasy oryn alǵanyna statıstıka keltirý qıyndaý. Degenmen, eger usynys bolsa, aldaǵy ýaqytta jańa ákimshilik jáne qylmystyq kodeks bar, sonyń aıasynda talqylaýǵa bolady», - dedi mınıstr.
