Kólik júrgizýshileri qysqy dońǵalaǵyn salyp alǵany jón - ІІM

ASTANA. QazAqparat – Elimizdiń ishki ister mınıstrligi kólik júrgizýshilerine kún raıynyń buzylýyna baılanysty kóliginiń dońǵalaǵyn qysqy shınaǵa aýystyrýy keregin eskertedi, dep habarlaıdy QazAqparat tilshisi.

«Qys mezgili bastalǵanda kólik qozǵalysy erekshe nazar aýdarýdy qajet etedi. Onyń óz erejeleri men talaptary bar. Máselen, zańnamaǵa sáıkes qysqy kezeńde (jeltoqsan, qańtar, aqpan) kólikterge jazǵy dońǵalaqpen júrýge tyıym salynady. Qysqa arnalǵan shına kólik quralynyń barlyq dońǵalaǵyna ornatylýy kerek», - dedi QR ІІM ókili Shuǵyla Turlybek atalǵan vedomstvoda ótken baspasóz máslıhatynda.

Onyń aıtýynsha, kólik júrgizýshileri qysqy aýa raıyn eskere otyryp, sapardy aldyn ala josparlaǵan jón.

«Tótenshe jaǵdaı qyzmetiniń habarlamasyna qulaq asqan abzal. Qolaısyz aýa raıy jaǵdaıynda jolǵa shyqpaýǵa keńes beriledi», - deıdi ol.