Kólik júrgizýdi úıretetin avtomektepterdiń sapasy tómen - ІІM

ASTANA. QazAqparat – QR Іshki ister mınıstri Marat Ahmetjanov avtomektepterdiń oqytý sapasyn synǵa aldy, dep habarlaıdy QazAqparat tilshisi.

Mınıstrdiń aıtýynsha, jol-kólik apatynyń negizgi sebepteriniń biri – kólik júrgizý tártibin saqtamaý.

«Bıyl polıtsııa 4,5 mln jol erejesin buzýdyń jolyn kesti. 17,5 myń mas júrgizýshi ustaldy, 20 myń júrgizýshi basqarý quqyǵynan aıryldy, 16 myń adam ákimshilik qamaýǵa alyndy, 188 myń jaıaý kisige aıyppul salyndy. Jalpy aıyppul kólemi – 49 mlrd teńge», - dedi Іshki ister mınıstri Úkimettiń búgingi otyrysynda.

Kóbine, munyń sebebi – avtomektepterge qoıylatyn talaptar men júrgizýshi daıarlaý sapasynyń álsireýi.

«Qazir 747 oqý ortalyǵy bar. 2018 jyldan bastap olarǵa lıtsenzııa men ruqsat berý alyp tastaldy. 2020 jyldan beri olardyń qyzmetine memlekettik baqylaý da joq. Daıyndyqtyń tómen sapasy úshin ákimshilik jaýapkershilik joıyldy. Osynyń kesirinen – oqý protsesi formalızmge aınaldy. Kóp mektepterde kerekti materıaldyq baza joq», - dedi M. Ahmetjanov.

Taldaý kórsetkendeı, júrgizýshiler arasynda adam ólimine ákep soqtyrǵan apattardyń 50% - «ózderi kólik júrgizip úırengender».

«Moıyndaý kerek, memleket bul salada baqylaýdy joǵaltyp aldy. Sondyqtan, qazirgi ýaqytta mınıstrlik tıisti usynystardy ázirlep jatyr», - dedi mınıstr.

Buǵan deıin spıker jyl saıyn elimizde 13 myń jol-kólik oqıǵasy bolatynyn, 2 myńnan astam adam qaza taýyp, 18 myń adam jaraqat alatynyn aıtqan edi.

Foto:acceler8driving.com