Kólik júrgizý quqyǵynan aıyrylǵanyna qaramastan rýlge otyrǵan jambyldyq ustaldy
TARAZ. QazAqparat – Jambyl oblysynda mas kúıinde avtokólik júrgizgini úshin júrgizý quqyǵynan aıyrylǵan turǵyn qaıta rýlge otyrǵan, dep habarlaıdy QazAqparat tilshisi.
Jambyl oblysy Talas aýdanynyń ortalyǵy – Qarataý qalasynda polıtseıler jol qozǵalysy erejelerin buzǵan «Aýdı 100» markaly avtokóligin toqtatqan. Tekserý barysynda 37 jastaǵy júrgizýshi 2019 jyldyń qańtarynda Talas aýdandyq sotymen QR ÁQBtK-niń 608-baby 1-bóligi boıynsha (Kólik quralyn alkogoldik masań kúıinde basqarý) 3 jyl merzimge kólik quralyn basqarý quqyǵynan aıyrylǵany anyqtaldy. Bul týraly oblystyq polıtsııa departamentiniń baspasóz qyzmeti habarlady.
«Júrgizýshi medıtsınalyq kýálandyrýdan ótýden bas tartty. Avtokólik aıyppul turaǵyna qoıylǵan.
Atalǵan fakt boıynsha Atalǵan fakti boıynsha QR QK 346-baby 1-bóligi (Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıde adamnyń kólik quralyn basqarýy) boıynsha sotqa deıingi tergeý bastaldy»,-delingen habarlamada.
Aıta keteıik, jyl basynan beri oblys polıtseıleri 586 mas júrgizýshini ustaǵan.
