Kólik júrgizý kýáligi joq SQO turǵyny mas kúıinde adam qaǵyp ketti

PETROPAVL. QazAqparat – Soltústik Qazaqstan oblysynda kólik júrgizý kýáligi joq azamat mas kúıinde rýlge otyryp, adamdy mert qyldy, dep habarlaıdy QazAqparat tilshisi.

SQO Polıtsııa departamentiniń baspasóz qyzmetinen málim etkendeı, oqıǵa 11 qańtar kúni Mamlıýt aýdanynyń Dýbrovnoe eldi mekeninde bolǵan. Keshki saǵat 21.00 shamasynda úsh turǵyn «ZIL» júk kóligine «VAZ 2106» mashınasyn tirkemek bolady. Osy ýaqytta ótip bara jatqan «ÝAZ» kóliginiń júrgizýshisi synyp turǵan «VAZ» kóligin jáne arqandy ilip jatqan onyń júrgizýshisin soqqan. Saldarynan Dýbrovnyı eldi mekeniniń 33 jastaǵy turǵyny oqıǵa ornynda qaza tapty. «ÝAZ» kóliginde onyń 35 jastaǵy aýyldasy bolǵan. Medıtsınalyq kýálandyrý júrgizýshiniń mas bolǵanyn kórsetti.

Anyqtalǵandaı, adamdy mert qylǵan azamatta júrgizýshi kýáligi eshqashan bolmaǵan. Byltyr kólik júrgizgeni úshin ákimshilik jaýapkershilikke tartylǵan.

Jol apatyna baılanysty tergeý bastaldy, tıisti saraptamalar júrgiziledi. Kúdikti ýaqytsha ustaý oqshaýlaǵyshyna qamaldy.

«Qylmystyq zańnamada mas kúıde jol-kólik apatyn jasaǵandarǵa qatysty ózgeris bar. Densaýlyqqa ortasha deńgeıde zııan keltirgen jaǵdaıda 1 myń AEK deıin aıyppul salynady, eki nemese odan da kóp adam qaza tapqan jaǵdaıda 10 jylǵa deıin bas bostandyǵynan aıyrylady. Mas kúıde jol apatyna túskender 7 jylǵa deıin, kisi ólimi bolǵan jaǵdaıda ómir boıyna kólik júrgizý quqyǵynan aıyrylady», - deıdi SQO PD Tergeý basqarmasynyń bastyǵy Qaırat Qasymbekov.

Sondaı-aq polıtseıler mas júrgizýshilerge qatysty ákimshilik zańnamanyń da ózgergenin eskertedi. ıAǵnı kólikti basqarý quqyǵynan aıyrý merzimi uzaryp, ákimshilik qamaýǵa alý jazasy engizildi.