Kólik júrgizip úırengen 12 jasar bala alapat órtten aman qaldy
NUR-SULTAN. QazAqparat – Avstralııanyń batysynda 12 jasar bala úıine taqap qalǵan alapat órtten aǵasynyń mashınasyna minip, qashyp úlgerdi, dep habarlaıdy VVS.
Ótken jeksenbi kúni 12 jasar Lıýk Starrok ormandy sharpyǵan órt Ýıtbelt qalasyna taqap qalǵan kezde úıinde jalǵyz qalǵan. Onyń ákesi Ivan Starrok pen aǵasy Deıl bul ýaqytta órt sóndirýshilermen birge Mogamber qalasynda tilsiz jaýmen arpalysyp jatqan. Olar Lıýkke eger jalyn úıge jaqyndaǵan jaǵdaıda úıden tórt shaqyrymdaı qashyqtyqtaǵy apelsın aǵashtaryna jetip alýdy tapsyryp ketken. Órt taıap qalǵan shaqta ol ıtin aǵasynyń avtomobıline salyp, dereý jolǵa shyǵyp úlgergen.
Bir saǵattaı ýaqyttan ótkennen keıin órt sóndirýshiler jol jıeginde turǵan balany taýyp aldy.
