Kólik júrgizgende kez kelgen mýzykany tyńdaýdyń zııandy jaǵy da bar
ASTANA. QazAqparat - Ǵalymdar kóliktiń ishinde jáne zııatkerlik tapsyrmalardy sheshý kezinde barlyq mýzyka túrlerin tyńdaı berý paıdaly emes ekenin alǵa tartýda.
Sol jaq mı syńaryna áser etetin mýzyka kólik júrgizýge kedergi keltiredi. Al mıdyń oń jaq syńaryn yntalandyratyn áýender adamnyń zeıinin arttyrady.
Jınaqtalyp jumys isteýge klassıkalyq mýzyka, sondaı-aq medıtatsııa áýender paıdaly sanalady eken.
Zııatkerlik tapsyrmalardy sheshýge Gendel, Vıvaldı, Bah jáne Korellıdiń mýzykasy kómektesedi, dep jazady sheteldik BAQ. Bul kompozıtorlardyń áýenderi úılesimdilikti arttyrady degen tujyrym bar. Jumys kezinde osyndaı mýzyka adam zeıindiliginiń turaqtylyǵyna, sondaı-aq tártipti, erejeni saqtaýǵa yqpal etetin kórinedi.
