Kólik jýatyn orynda turatyn astanalyq otbasyǵa kómek kerek

ASTANA. QazAqparat - Astana qalasy Іshki saıasat basqarmasynyń qoldaýymen «Ákeler keńesi» qoǵamdyq birlestigi Isataı Taýmashevtiń otbasyna kómektesý maqsatynda qaıyrymdylyq aktsııasyn qolǵa aldy, dep habarlaıdy qala ákimdiginiń saıty .

«Taıaý arada Taýmashevter januıasyna kómek kórsetý úshin bank shoty ashylady. Sondaı-aq Isataı jumyssyz degen de aqparat bar. Bul másele de az ýaqyt ishinde sheshimin tabady», - deıdi «Ákeler keńesi» qoǵamdyq birlestiginiń jetekshisi Qýanysh Jumataev.

Eske sala ketsek, Isataı Taýmashev 12 jastaǵy uly Aqnıet pen 7 jastaǵy qyzy Inabatpen 2 jyldan beri kólik jýatyn orynda turyp keledi. Isataıdyń burynǵy áıeli alıment tólep turady, alaıda bul aqsha men er azamattyń aılyǵy páter jaldap turýǵa jetpeıdi. Búgingi tańda Taýmashevter januıasy «tolyq emes otbasy» sanaty boıynsha úı kezeginde tur.

Isataı, Inabat pen Aqnıetke barlyq jomart jandardy qaıyrymdylyq tanytyp, kómektesýge nıetti jandar januıaǵa kıim-keshek, oıynshyq, oqý quraldaryn jáne azyq-túlik berýine bolady.

Taýmashevterge esep shoty: DB «Sberbank» AQ KZ58914012203KZ0044C.