Kólik jóndeýge bólingen qarajatty jymqyrǵan aýyl ákimi ustaldy – Qostanaı oblysy

QOSTANAI.QazAqparat – Qostanaı oblysyndaǵy Qashar kentiniń ákimi bıýdjet qarjysyn jymqyrǵan degen kúdikpen ustaldy, dep habarlaıdy QazAqparat oblystyq Sybaılas jemqorlyqqa qarsy kúres departamentiniń baspasóz qyzmetine silteme jasap.

Rýdnyı qalasyna qarasty Qashar kentiniń ákimi mekeme tirkeýinde turǵan qyzmettik avtokólikti jóndeýge bólingen 1 464 000 teńge bıýdjet qarjysyn jymqyrdy degen kúdikke ilinip otyr. Sybaılas jemqorlyqqa qarsy qyzmet ákimge qatysty sotqa deıingi tergeý isin bastady

«Naqty iske kelgende avtokólik jóndeýden ótpegen. Kúdikti soǵan qaramastan joǵaryda kórsetilgen kólemdegi qarjyny jymqyrý úshin jeke kásipkerdiń esepshotyna aýdaryp jibergen. Qazir tergeý júrip jatyr»,- delingen Sybaılas jemqorlyqqa qarsy kúres qyzmetiniń aqparatynda.