Kólik jáne kommýnıkatsııa vıtse-mınıstri Qyzylorda jáne Aqtóbe oblystaryndaǵy «Batys Eýropa - Batys Qytaı» jobasynyń iske asyrý barysymen tanysty
ASTANA. 30 maýsym. QazAqparat. 27-29 maýsymda Qazaqstan Respýblıkasy Kólik jáne kommýnıkatsııa vıtse-mınıstri Roman Sklıar Qyzylorda jáne Aqtóbe oblystaryna jumys saparymen boldy.
Onda ol «Batys Eýropa - Batys Qytaı» halyqaralyq tranzıttik avtomobıl dáliziniń qaıta salý jobasyn iske asyrylý barysymen tanysty, dep habarlady QR Kólik jáne kommýnıkatsııa mınıstrliginiń baspasóz qyzmeti.
Jalpy Qyzylorda oblysy boıynsha uzaqtyǵy 812 shaqyrym jol ýchaskesi qaıta salýdy qajet etedi. Qazir jumystar 15 ýchaskede júrgizilýde. 2010 jyly 197 shaqyrym asfalt-beton jabynynyń tómengi qabaty tóseldi. Aǵymdaǵy jyly 79,9 mlrd teńgeni ıgerý jáne І sanat boıynsha 166 shaqyrym, ІІ sanat boıynsha 352 shaqyrym jol salý josparlanǵan. Aǵymdaǵy jylǵy 27 maýsym boıynsha 2 357 jol-qurylys tehnıkasy jumyldyrylyp, 15 996 adam, sonyń ishinde, 9 300 adam jergilikti qyzmetkerler jumysqa tartyldy.
Roman Sklıar «Azerkopý» AAQ jáne «Todını» AQ, «Akkord-Okan» AQ, «Impreza» AQ jáne «Salını» AQ kompanııalarynyń ýchaskelerindegi qurylys barysymen tanysty.
Іssapar sońynda Aqtóbe oblysynyń ýchaskelerin qarap shyqty. Osy óńirde jalpy uzaqtyǵy 355 shaqyrym jol ýchaskesi qaıta salýdy qajet etedi. Konkýrstyń qorytyndysy boıynsha, «Djengız Inshaat» (Túrkııa) kompanııasy Reseı Federatsııasy shekarasy - Mártúk - Aqtóbe ýchaskesinde qaıta salý jumystaryn júrgizedi. Bul kompanııa aǵymdaǵy jyly 60 shaqyrym joldyń asfalt-beton jamylǵysynyń astyńǵy qabatyn salýdy josparlaǵan.
Uzaqtyǵy 39,3 shaqyrymdy quraıtyn Aqtóbe qalasynyń Soltústik aınalma joly ýchaskesin halyqaralyq zaımdar men respýblıkalyq bıýdjetten qarjylandyrý josparlanǵan.
215 shaqyrymdy quraıtyn Qarabutaq - Yrǵyz - Qyzylorda oblysy shekarasy ýchaskesinde qurylys jumystary tolyǵymen aıaqtaldy.
Aǵymdaǵy jyly osy óńir boıynsha 10,1 mrld teńge ıgerý jáne 82 shaqyrym joldy salý josparǵa qoıyldy. Aǵymdyǵy jylǵy 27 maýsymdaǵy jaǵdaı boıynsha 195 tehnıka jumyldyrylyp, 542 adam, onyń ishinde, 505 adam jergilikti qyzmetkerler jumysqa tartyldy.
Kólik vıtse-mınıstri Roman Sklıar oblys departamentterine óndiris jumystarynyń keste boıynsha oryndalýyn, tehnıka men qyzmetkerlerdi jumyldyrýdy, áleýmettik-turmystyq jaǵdaılaryn qamtamasyz etilýin, ýaqytyly aqsha tólenýin erekshe baqylaýǵa alýdy, sondaı-aq, jumys barysynda paıda bolǵan máselerdi shuǵyl sheshýdi tapsyrdy.
