Kólik jáne kommýnıkatsııa mınıstrliginiń keıbir fýnktsııalary jergilikti atqarýshy organdarǵa berildi
ASTANA. 27 maýsym. QazAqparat - «Qazaqstan Respýblıkasynyń keıbir zańnamalyq aktilerine memlekettik organdardyń ózara basqarý ókilettiligin bólý máseleleri jóninde tolyqtyrýlar men ózgertýler engizý týraly» zańǵa engizilgen normaǵa sáıkes,
avtomobıl arqyly jolaýshylar men júkterdi turaqty túrde halyqaralyq jáne turaqsyz túrde respýblıkaishilik tasymaldaý qyzmetin lıtsenzııalaý fýnktsııasy ákimdikterdiń quzyryna berildi.
Bul týraly Kólik jáne kommýnıkatsııa mınıstrliginiń baspasóz qyzmetinen habarlandy.
Atalǵan kólik tasymalyna lıtsenzııa berý úderisi búgingi kúni avtomattandyrylǵanyn, «e-lıtsenzşııalaý» portaly jáne halyqqa qyzmet kórsetý ortalyǵy arqyly berilip jatqanyn aıtyp ótý kerek.
Sondaı-aq, ákimdikterdiń quzyryna tahograftardy ornatý men sol boıynsha qyzmet kórsetýdiń bastalǵany týraly jeke jáne zańdy tulǵalardan kelip túsken habarlamalardy qabyldaý, taksı tasymaly jáne atalǵan kásipkerlik sýbektileriniń tıisti tizilimin júrgizý qyzmetteri de berildi.
Munyń syrtynda jergilikti atqarýshy organdardyń quzyryna óńirlik qyzmet kórsetý sheginde mehanıkalyq kólik quraldary men olardyń tirkemelerin mindetti tehnıkalyq baıqaýdan ótkizýdiń kestesin kelisý mindeti de berildi.
Búgingi kúni ákimdikter tirkelgen kólik pen ınfraqurylymnyń sany týraly naqty jáne tolyq aqparatqa ıe. Bul aqparat kólikterdi tehnıkalyq baıqaýdan ótkizý úshin asa qajet. Sondyqtan atalǵan qyzmetterdi ákimdikterdiń quzyryna berý aýdandarda kólikterdi tehnıkalyq baıqaýdan ótkizýdi uıymdastyrý sapasyn arttyrmaq.
Budan basqa ákimdikterdiń quzyryna Kólik quraldaryn tehnıkalyq baıqaýdan ótkizý jónindegi halyqaralyq kelisimniń normalaryna saı keletin tehnıkalyq baıqaýdan ótkeni týraly halyqaralyq sertıfıkatty berý fýnktsııasy da berilip otyr.
Jalpy alǵanda, atalǵan fýnktsııalardy Kólik jáne kommýnıkatsııa mınıstrliginen jergilikti atqarýshy organnyń quzyryna berý memlekettik qyzmetterdi usyný úderisi men ýaqytyn aıtarlyqtaı qysqartpaq.
Esterińizge salyp óteıik, «Qazaqstan Respýblıkasynyń keıbir zańnamalyq aktilerine memlekettik organdardyń ózara basqarý quzyrettiligin bólý máseleleri jóninde tolyqtyrýlar men ózgertýler engizý týraly» zań 2013 jylǵy 24 maýsymda óz kúshine endi.
