Kólik jáne kommýnıkatsııa mınıstrliginde sý joly kóliginiń damýy jónindegi keńes ótti
ASTANA. 19 qarasha. QazAqparat - Kólik jáne kommýnıkatsııa mınıstri Asqar Jumaǵalıevtyń tóraǵalyǵymen sý kóliginiń damý máseleleri jóninde mınıstrlikke qaraıtyn mekemeler ókilderi men kásipkerlerdiń birlesken keńesi ótti.
Kezdesýde kemejaı jáne servıs ınfraqurylymynyń, saýda flotynyń jáne keme qatynasy kaýipsizdigin qamtamasyz etý jumystary jónindegi máseleler talqylandy.
Atap aıtqanda, búgingi kúni Aqtaý kemejaıynda, onyń qajetti óteý múmkinshiligin arttyrý jobasynyń sheńberinde, 3 qurǵaq júk termınalyn qurastyrý kózdelgen .
Sonymen qatar otandyq saýda flotyn tolyqtyrý jáne onyń básekelestigin arttyrý jónindegi jumystar iske asyrylýda.
2012 jyldan bastap Qazaq-Brıtan tehnıkalyq ýnıversıteti negizinde halyqaralyq deńgeıdegi teńizshilerdi daıyndaıtyn teńiz akademııasy ashyldy. Bilim úderisin damytýmen qatar teńizshilerdi daıyndaý jáne vahta jumysyn halyqaralyq teńiz uıymy Konventsııasyna úılestirý jumystary iske asyrylýda, dep habarlady Kólik jáne kommýnıkatsııa mınıstrliginiń baspasóz qyzmetinen.
