Kólik jáne kommýnıkatsııa mınıstrliginde kommýnaldyq menshiktegi vokzaldardy respýblıkalyq menshikke ótkizý jóninde keńes ótti
ASTANA. Aqpannyń 12-si. QazAqparat - Kólik jáne kommýnıkatsııa vıtse-mınıstrІ Azat Bekturovtyń tóraǵalyǵymen «Temirjolmúlik» AQ-nyń kommýnaldyq menshigi men balansynan «Qazaqstan temir joly» UK» AQ balansyna temirjol vokzaldary ǵımarattaryn tapsyrý-qabyldaý máselesi boıynsha keńes bolyp ótti,
dep habarlaıdy QazAqparat atalǵan mınıstrliktiń baspasóz qyzmetine silteme jasap.
Vedomstvo baspasóz qyzmetiniń taratqan aqparatyna sáıkes, keńeske QR Qarjy mınıstriliginiń Memlekettik múlik komıteti Respýblıkalyq menshikke múlikti tapsyrý basqarmasynyń bastyǵy Marat Sársebekov, atalǵan komıtettiń Memlekettiń qatysýymen memlekettik emes zańdy tulǵalarmen jumys jasaý basqarmasynyń bastyǵy Irına Fısher, sonymen qatar «Qazaqstan temir joly» UK», «Jolaýshylar tasymaly» jáne «Vokzal-servıs» aktsıonerlik qoǵamdarynyń ókilderi qatysqan. Alqaly jıyn barysynda jergilikti atqarýshy organdar men «Jemirjolmúlik» AQ balansyndaǵy temirjol vokzaldary ǵımarattaryn qabyldaý boıynsha atqarylyp jatqan jumystar jáne atalǵan problemaǵa qatysty ózge de birqatar máseleler talqylanǵan.
«Vıtse-mınıstr A.Bekturov «Qazaqstan temir joly» UK» AQ alqa májilisinde Qazaqstan Respýblıkasy Premer-Mınıstri K. Másimovtiń tapsyrmasyn oryndaý maqsatynda, Kólik jáne kommýnıkatsııa mınıstrliginiń temirjol vokzaldary ǵımarattary, perrondar men platformalardy kommýnaldyq menshikten respýblıkalyq menshikke tapsyrý máselelerin qarastyratyn «Temirjol múlkiniń keıbir máseleleri týraly» Qazaqstan Respýblıkasy Úkimetiniń qaýly jobasyn ázirlegenin atap ótti. Qazirgi ýaqytta qaýly jobasy tıisti memlekettik organdar men Qazaqstan Respýblıkasy uıymdaryna jiberildi», delingen baspasóz habarlamasynda.
Vedomstvonyń atap ótýinshe, «Vokzal-servıs» AQ-nyń qaramaǵynda 27-i jáne jergilikti atqarýshy organdarda 94 temirjol vokzaldary ǵımarattarynan basqa, «Temirjolmúlik» AQ-nyń qaramaǵynda 184 vokzal bar.
Azat Bekturov «Qazaqstan temir joly» UK» AQ, «Jolaýshylar tasymaly» AQ jáne «Vokzal-servıs» AQ-nyń kommýnaldyq menshiginen vokzaldardy respýblıkalyq menshikke ótkizý jónindegi ózekti máselelerdi qarastyrý, sonymen qatar naqty oryndalý merzimderin anyqtap, olardy sheshý joldaryn belgileý jóninde tapsyrma berdi, delingen habarlamada.
