Kólik jáne kommýnıkatsııa mınıstrliginde «Batys Eýropa-Batys Qytaı» jobasyn iske asyrý barysy talqylandy
ASTANA. 19 qarasha. QazAqparat - Kólik jáne kommýnıkatsııa mınıstrliginde «Batys Eýropa - Batys Qytaı» halyqaralyq tranzıt dálizin bir jarym jyldyq qaıta qurý jumystaryna baqylaý júrgizýdi talqylaý jónindegi dóńgelek ústel ótti. Baqylaý jumystary aıqyndylyq pen turaqty damý jónindegi ulttyq sarapshylar keńesimen júrgizilgen.
Kólik jáne kommýnıkatsııa vıtse-mınıstri Mereke Pshembaev «Júrgizilgen baqylaý nátıjesi jemisti bolyp shyqty. Onyń qorytyndysy negizinde jobalar nysanalanyp, jergilikti turǵyndar usynǵan qajetti mal ótpeleri, qulamalar, aýylsharýashylyq tehnıkasy úshin ótpeler qosyldy. Sóıtip, jobalaý kezeńinde jergilikti turǵyndarmen qarym-qatynastyń bolmaýynan týyndaǵan kóptegen kemshilikter joıyldy» dep atap ótti.
Barlyǵy baqylaýmen 4 oblys qamtyldy. Oǵan 63 eldi mekennen 642 turǵyn, 12 qurylys kompanııasynan 1461 qyzmetker qatysty.
Nátıjesinde sarapshylarmen 600-den artyq eskertý anyqtalyp, baqylaý nátıjeleri qurylys kompanııalaryna taratyldy, olar osy máselelerdi sheshý jumystaryna kiristi, dep habarlady Kólik jáne kommýnıkatsııa mınıstrliginiń baspasóz qyzmetinen.
