Kólik jáne kommýnıkatsııa mınıstrligi: Joǵary deńgeıdegi konferentsııada avıatsııa máselesi qaraldy
ASTANA. Sáýirdiń 15-i. QazAqparat. Buryn habarlanǵandaı, 2010 jylǵy 29 naýryzdan 1 sáýir aralyǵynda Monreal qalasynda (Kanada) ushý qaýipsizdigi boıynsha Halyqaralyq azamattyq avıatsııa uıymynyń (budan ári - IKAO) joǵary deńgeıdegi konferentsııasy ótti,
dep habarlaıdy QazAqparat Kólik jáne kommýnıkatsııa mınıstrliginiń baspasóz qyzmetine slteme jasap.
Konferentsııanyń maqsaty - ushý qaýipsizdigin qamtamasyz etýge baılanysty IKAO-nyń negizgi sharalaryn nátıjeli jáne tıimdi oryndaý úshin qajetti usynystardy talqylaý jáne jasaqtaý.
Konferentsııa aıasynda Qazaqstan Respýblıkasy kólik jáne kommýnıkatsııa mınıstri Ábilǵazy Qusaıynov pen IKAO-nyń Bas hatshysy Raımon Benjamen arasynda ushý qaýipsizdigi men azamattyq avıatsııany damytý salasynda qarym-qatynas pen ózara is-qımyl máseleleri talqylanǵan ekijaqty kezdesý ótkizildi. Atalǵan kezdesý Qazaqstan men IKAO arasyndaǵy qarym-qatynas tarıhyndaǵy alǵashqy kezdesý ekendigin atap ótken jón.
Sonymen qatar, sapar aıasynda qazaqstandyq delegatsııa Kanadanyń óńiraralyq áýe kemelerin shyǵaratyn avıazaýyttardy aralady.
