Kólik jáne kommýnıkatsııa mınıstrligi: «Tahograf» respýblıkalyq aktsııasy qorytyndylandy
ASTANA. Qarashanyń 9-y. QazAqparat - Kólik jáne kommýnıkatsııa mınıstrliginiń kóliktik baqylaý komıteti «Tahograf» respýblıkalyq aktsııasyn ótkizdi.
Atalǵan aktsııa avtojoldarda jol-kólik oqıǵalary sanyn azaıtýǵa, qol júgin jáne basqa júkterdi qaýipsiz tasymaldaýǵa, sonymen qatar avtokólik quraldaryn júrgizýshiler tarapynan eńbek jáne demalys rejimin buzýdy anyqtaý men aldyn alý úshin sharalar qoldanýǵa baǵyttalǵan, dep habarlaıdy QazAqparat Kólik jáne kommýnıkatsııa mınıstrliginiń baspasóz qyzmetine silteme jasap.
Aktsııa barysynda, QR «Avtomobıl kóligi týraly» zańynyń 9 babyna sáıkes, qaýipti júk tasymalyna tartylǵan, halyqaralyq, qalaaralyq jáne oblysaralyq jolaýshylar, qol júgin jáne basqadaı júk tasymaldaıtyn avtokólik quraldary tekserildi. Tasymaldaýshylar men avtokólik quraldaryna júrgizýshilerdiń eńbegi men demalys rejimin tirkeıtin baqylaý qurylǵylarymen (tahograftarmen) jabdyqtalýy jónindegi talaptardyń oryndalý barysy, sonymen qatar dıagrammalyq dıskilerdi iske qosýy baqylaýǵa alyndy.
Kóliktik baqylaý organdary ótkizgen aktsııa ýaqytynda 28 myńnan astam avtokólik quraldary tekserilip, olardyń 892-de belgilengen tártipti buzýshylyq anyqtaldy. Olardan 6 mln. 642 myń teńge aıyppul óndirildi.
