Kólik jáne kommýnıkatsııa mınıstrligi: «Keme qatynasy kópiri» aktsııasynyń alǵashqy nátıjeleri
ASTANA. Mamyrdyń 24-i. QazAqparat - QR Kólik jáne kommýnıkatsııa mınıstrliginiń Kóliktik baqylaý komıteti uıymdastyrǵan «Keme qatynasy kópiri» respýblıkalyq aktsııasynyń alǵashqy nátıjeleri belgili boldy.
Bul týraly atalǵan mınıstrliktiń baspasóz qyzmetinen habarlady.
«Búgingi kúni aktsııa Soltústik Qazaqstannan basqa barlyq oblystarda aıaqtaldy. Respýblıka boıynsha keme qatynasy sý joldarynda ornalasqan 23 kópirdiń 21 tekserildi. Tekserý nátıjeleri boıynsha qaýipsizdik talaptaryn buzýshylyqtardy joıý jóninde 7 uıǵarym berildi. Onyń 5-eýi Shyǵys Qazaqstanǵa jáne bir-birden Atyraý men Batys Qazaqstan oblystaryna tıesili», delingen baspasóz baıanynda.
Aktsııanyń maqsaty - kópir jáne ishki sý joldaryndaǵy ózge de gıdrotehnıkalyq qurylys ıeleriniń kemeler jaqyndaǵan kezde olardyń kedergisiz jáne qaýipsiz ótýin qamtamasyz etý, sý túbin tazalaý jáne sý túbin tereńdetý jumystaryn ótkizý boıynsha mindetterdi, sonymen birge «Іshki sý kóligi týraly» Qazaqstan Respýblıkasynyń zańynda kózdelgen ózge de talaptardy saqtaýyna baqylaýdy júzege asyrý bolyp tabylady.
