Kólik jáne kommýnıkatsııa mınıstrligi qazaqstandyq 3 avıakompanııadan paıdalanýshy sertıfıkatyn qaıtaryp aldy
ASTANA. 17 shilde. QazAqparat - QR Kólik jáne kommýnıkatsııa mınıstrliginiń Azamattyq avıatsııa komıteti qyzmetkerleri IKAO sarapshylarymen birlese otyryp júrgizgen qaıta sertıfıkattaý nátıjesinde
«D.E.T.A. Air» AQ, AK «MEGA» AQ jáne «QazEır Ýest» AQ avıakompanııalarynyń ushýdy júzege asyrýǵa ruqsat beretin sertıfıkatyn qaıtaryp aldy.
Bul sharalar kompanııalardyń óz qyzmetterin sertıfıkatsııalyq talaptarǵa saı júrgizbeýine oraı qabyldanyp otyr. Sertıfıkatsııalyq tekserýler boıynsha anyqtalǵan eskertýlerge sáıkes, atap aıtqanda kompanııa shtatyndaǵy qyzmetkerler sanynyń az bolýy, sondaı-aq ushý qujattarynyń, ınjenerlik-tehnıkalyq qyzmet kórsetýdiń talaptarǵa saı kelmeýine oraı 5 avıakompanııanyń (AK «Samal Air» AQ, «Azııa Kontınental Eırlaıns» AQ, «Evro-Azııa Interneıshnl» AQ, «Semeıavıa» AQ jáne AK «Irtysh-Air» AQ) paıdalanýshy sertıfıkatynyń jaramdylyq merzimi toqtatyldy.
Atalǵan kompanııalar berilgen eskertýlerdi aǵymdaǵy jylǵy 1 tamyzǵa deıin oryndamaǵan jaǵdaıda, olardyń sertıfıkattary óz kúshin joıady. Halyqaralyq ushýlardy júzege asyrýmen aınalysatyn qazaqstandyq avıakompanııalar men áýe kemelerin qaıta sertıfıkattaý úderisi IKAO-nyń usynysy boıynsha aǵymdaǵy jyldyń naýryz aıynda bastalǵan bolatyn. Búgingi kúni 32 avıakompanııa, tehnıkalyq qyzmet kórsetýmen aınalysatyn 29 uıym jáne 73 áýe kemesi qaıta sertıfıkattaýdan ótti.
Azamattyq avıatsııa komıteti IKAO qyzmetkerlerimen birlese otyryp kommertsııalyq ushýlardy júzege asyrýmen aınalysatyn avıakompanııalarǵa qaıta sertıfıkattaý úderisin júrgizýge aǵymdaǵy jyldyń naýryz aıynda kirisken bolatyn. Azamattyq avıatsııa komıteti atalǵan jumysty tamyz aıynyń sońyna deıin tolyq aıaqtaýdy kózdep otyr.
