Kólik jáne kommýnıkatsııa mınıstrligi: Astana qalasynyń temir jol stansysy jumysyndaǵy aqaýlardyń ulǵaıýy tıimdi sharalardy qabyldaýdy talap etedi
ASTANA. Qyrkúıektiń 17-si. QazAqparat - Búgin elordada sybaılas jemqorlyq sıpattaǵy zańbuzýshylyqtardyń bolýyna septigin tıgizetin jaǵdaılar men alǵysharttardyń aldyn alý jumystaryn kúsheıtý jónindegi Memlekettik baǵdarlama sharalaryn júzege asyrýǵa arnalǵan dóńgelek ústel ótti,
dep habarlaıdy QazAqparat QR Kólik jáne kommýnıkatsııa mınıstrliginiń baspasóz qyzmetine silteme jasap.
Basqosýǵa Kólik jáne kommýnıkatsııa mınıstrliginiń Kóliktik baqylaý komıteti tóraǵasynyń orynbasary Marat Mádıev, Kóliktik baqylaý komıtetiniń basqarma bastyǵy Berik Іztileev, «Saryarqa» kóliktik baqylaý aımaqaralyq ınspektsııasynyń bastyǵy, «Nur Otan» HDP ortalyq tekserý komıssııasynyń múshesi Bolat Jumabekov qatysty. «Qazaqstan temir joly» ulttyq kompanııasy tarapynan Aqmola jol bólimshesi dırektorynyń orynbasary Qaırat Súleımenov, Astana stansysynyń dırektory Shyńǵys Tóleýshın, sonymen qatar elorda temir jol toraby mekemesiniń ózge de basshylary shaqyryldy.
Aldymen aǵymdaǵy jyldyń 8 aıy ishinde Astana stansysy boıynsha temir jol mekemeleriniń jumys qorytyndylary talqylandy. Eseptik merzimde jiberilgen aqaýlar 3 oqıǵaǵa ulǵaıǵandyǵy aıtyldy. Osy ýaqyt aralyǵynda «Saryarqa» ınspektsııasy qozǵalys qaýipsizdigin qamtamasyz etýge baǵyttalǵan kóliktik zańnamalardy saqtaý boıynsha temir jol kólikterinde sharýashylyq sýbektiler qyzmetine 37 tekseris júrgizdi. Qorytyndysy boıynsha 775 tártip buzýshylyqtar anyqtalyp, 37 akt jasaldy jáne 32 jazba eskertpeler berildi.
Jolaýshylar poıyzyn tekserý barysynda tehnıkalyq paıdalaný erejeleriniń 250 buzýshylyǵy anyqtalyp, 48 jazba eskertpe berildi.
Barlyq eseptik merzim ishinde temir joldardy paıdalaný erejelerin buzý faktisi boıynsha 56 ákimshilik is qaralǵan. Óndirilgen aıyppul somasy 310 myń teńgeni qurady, bul ótken jylǵy osy merzim kórsetkishterinen (145,9 myń teńge) 2 esege kóp.
Sybaılas jemqorlyqqa qarsy kúresti kúsheıtý jáne qyzmettik zańbuzýshylyqtardyń aldyn alý, sonymen qatar ınspektsııa qyzmetkerlerdiń jaýapkershiligin arttyrý maqsatynda tıisti sharalar jospary jasaldy. Júzege asyrylatyn tekseristerdiń ashyqtyǵyn qamtamasyz etý úshin «Nur Otan» HDP jáne temir jol mekemeleriniń ókilderi qatystyrylýda.
