Kólik jáne kommýnıkatsııa mınıstrligi Astana qalasy Esil ózeninde keme-qaıyqtardy paıdalaný qaýipsizdigine alańdaýshylyq bildiredi
ASTANA. 29 maýsym. QazAqparat - Búgin QR Kólik jáne kommýnıkatsııa mınıstrligi Kóliktik baqylaý komıteti uıymdastyrǵan Astana qalasy Esil ózeninde keme-qaıyqtardy paıdalaný qaýipsizdigin qamtamasyz etý máseleleri jóninde keńes ótkizildi,
dep habarlaıdy vedomstvonyń baspasóz qyzmeti.
Keńeske Astana qalasynyń ákimshiligi, QR Tótenshe jaǵdaılar mınıstrligi, Astana qalasynyń Tótenshe jaǵdaılar departamenti sýda qutqarý stansasy, «Esil-Astana» MQKM, «Saryarqa» Óńiraralyq kóliktik baqylaý ınspektsııasynyń fılıaly, «Keme qatynasy tizimi» MM-siniń ókilderi jáne qaıyqty jalǵa berý stansalarynyń ıeleri qatysty.
Keńes barysynda jazǵy kezeńdegi jáne de Astana kúnine oraı Esil ózenindegi sý kólikterin paıdalaný qaýipsizdigin qamtamasyz etý jóninde is-sharalar jaıyndaǵy máseleler talqylandy.
Elbasy tapsyrmasyn júzege asyrý barysynda jolaýshylar-serýeni tasymalyn uıymdastyrý, Astanada dástúrli qaıyqtardy jalǵa berý stansalaryn paıdalaný, Esil ózeninde júzý quraldarynyń kóbeıýine ákep soqty. Qaladaǵy shomylý aımaqtaryn eskere otyryp, bul jaǵdaılar kemelerdiń júzý qaýipsizdigine qater keltirmeýi tıis.
Kóliktik baqylaý komıtetiniń tóraǵa orynbasary E. Jumashev Esil ózenindegi sý kólikterin paıdalaný qaýipsizdigin qamtamasyz etý Kóliktik baqylaý komıtetiniń, jergilikti atqarýshy organdardyń, sýda qutqarý qyzmetiniń jáne de keme ıeleri men qaıyqtardy jalǵa berý stansalary ıeleriniń birlesip kúsh salýyn jáne kelisip áreket etýin talap etetinin atap ótti.
Búgingi kúni elordada ózende júzetin 28 birlik jáne 239 birlik shaǵyn kólemdi flot tirkeldi.
Komıtettiń basty mindeti kemelerdi kólik oqıǵasynan saqtandyrý jáne zań buzýshylyq áreketterdiń aldyn alý bolyp tabylady.
Komıtet flottaǵy apattar jaıyndaǵy eskertýlerdi, onyń ishinde flotty paıdalaný qaýipsizdigin qamtamasyz etýge baǵyttalǵan is-sharalar kesheni josparyn jyl saıyn ázirlep, júzege asyrady.
Zańnamany jetildirý maqsatynda, «Kólik máselelerine baılanysty keıbir zańnamalyq aktilerge tolyqtyrýlar men ózgertýler engizý týraly» zańyn júzege asyrý barysynda Kóliktik baqylaý komıtetimen 16 normatıvtik-quqyqtyq aktiler jobasy, onyń ishinde 14 Úkimet qaýlysy ázirlendi.
Naqtyraq aıtqanda, jańa redaktsııada Úkimet qaýlysy deńgeıindegi ózen jáne shaǵyn kólemdegi kemelerdi tirkeý, teńiz, ózen jáne shaǵyn kólemdegi kemelerdiń apat jaǵdaıyna jáne kólik oqıǵalaryna baılanysty tergeý erejeleri, tehnıkalyq qadaǵalaýdy júrgizý tártibi jáne shaǵyn keme flotyn paıdalaný, ózen jáne shaǵyn keme júrgizýshilerin attestatsııalaý, keme qujattaryn júrgizý erejeleri qabyldandy.
Kóliktik baqylaý organdarymen barlyq keme júrgizýshilerine, shaǵyn kólemdegi keme flot turaqtarynyń ıelerine tıisti túsindirý jumystary ótkizildi.
Kóliktik baqylaý komıteti jańadan qabyldanǵan normatıvtik quqyqtyq aktileriniń qaǵıdalaryn túsindirý jóninde atalǵan profılaktıkalyq jumysty búkil respýblıka aýmaǵynda ótkizedi.
Keńestiń qorytyndysy boıynsha, Komıtet Astana qalasynyń ákimshiligi men Astana qalasynyń Іshki ister departamentimen birlesip adamdardyń kóptep jınalatyn jerlerinde: aılaq júzý quraldarynyń janynda, jaıaý adamdarǵa arnalǵan kópirde jáne qalalyq jaǵajaıda qoǵamdyq tártipti saqtaý máselesin sheshý jóninde usynys berdi.
