Kólik jáne kommýnıkatsııa mınıstrligi: Almaty oblysynda temir jol qatynasy ýaqytsha toqtatylda
ASTANA. Naýryzdyń 11-i. QazAqparat - Almaty oblysynda aýa raıynyń qolaısyzdyǵy saldarynan kólik qatynasynda qıyndyqtar oryn alýda,
dep habarlaıdy QazAqparat Kólik jáne kommýnıkatsııa mınıstrliginiń baspasóz qyzmetine silteme jasap.
Búgin 2 saǵat 47 mınýttan bastap Almaty jol bólimshesiniń Saryózek - Úshtóbe ýchaskesinde (Moıynqum -Kópir aralyǵyndaǵy 1439-1444 km) temir jol tósemi boıyndaǵy topyraqtyń shaıylyp ketýine baılanysty poıyzdar qozǵalysy toqtatyldy.
Kishi Bıje arnasy men Kishi jáne Úlken Bıje ózenderiniń qosylǵan jerindegi sý deńgeıiniń bógetten asyp ketýine baılanysty temir jol boıyndaǵy uzaqtyǵy 10-15 metrdeı jer tóseminiń tabanyn sý basyp, shaıyp ketken.
Sol sebepti, №22 «Qyzylorda - Semeı», №325 «Novosibir - Almaty», №21 «Semeı - Qyzylorda», № 31 «Pavlodar - Almaty» jolaýshy poıyzdarynyń qozǵalysy toqtatyldy.
Qazirge kezde jer tóseminiń shaıylyp ketken tusynda 50 adamnan turatyn brıgada jumys atqarýda.
