Kólik jáne kommýnıkatsııa mınıstrligi 2016 jylǵa deıingi kólik salasyn damytý josparyn bekitti
ASTANA. QazAqparat - Kólik jáne kommýnıkatsııa mınıstrligi 2016 jylǵa deıingi kólik salasyn damytý josparyn bekitti. Jospar 2014 jylǵy QR Áleýmettik-ekonomıkalyq saıasatynyń birinshi kezekti is-sharalar jol kartasyn iske asyrý sheńberinde jasalǵan. Oǵan tranzıtti ulǵaıtý, ınvestıtsııalar men jańa tehnologııalardy tartýǵa baǵyttalǵan 70 is-sharalar kirdi.
Bul týraly mınıstrliktiń baspasóz qyzmeti habarlady.
Sondaı-aq, kólik jáne logıstıkalyq ınfraqurylymdy ártaraptandyrý maqsatynda mınıstrlik naqty is-sharalar keshenin josparlady. Onyń negizgi baǵyttaryna MJS mehanızmin paıdalanyp sheteldik ınvestıtsııalardy tartý jáne BU qurý arqyly Aqtaý teńiz portynda 3 qurǵaq júk tasıtyn termınaldardy salý, «Qorǵas - Shyǵys joldary» AEA, «Jezqazǵan - Beıneý» temir jol jelisinde qozǵalysty ashý kiredi. Ol jóninde Ortalyq kommýnıkatsııalar qyzmetinde ótken brıfıngte kóliktik baqylaý komıtetiniń tóraǵasy Á.Asaýbaev málimdedi.
Qazirgi tańda mınıstrlik portty soltústik baǵytqa qaraı keńeıtý jumystaryn júrgizýde. Áset Asaýbaevtyń aıtýynsha, porttyń keńeıtilýi onyń ótkizilim múmkindigin, qurǵaq júkti aýystyryp tıeýdi jylyna 2,5 mln. tonnaǵa kóbeıtedi.
Sonymen qatar, jospar boıynsha «Qorǵas - Shyǵys joldary» AEA aımaǵynda qurǵaqtaǵy port qurylystaryn qamtamasyz etý sharalary da qarastyrylǵan.
«Jetigen - Qorǵas» temir joly men «Batys Eýropa - Batys Qytaı» dáliz áleýetterin paıdalanyp, Qurǵaq portty salý iri logıstıkalyq hab qalyptastyrýǵa múmkindik beredi. Avtomobıl, temir jol jáne áýe ınfraqurylymmen baılanysty konteınerlik, júk jáne qoıma qyzmetteriniń ıntegratsııasy Azııadan Batys Eýropaǵa, TMD jáne Ortalyq Shyǵysqa júkterdi tasymaldaıtyn klıentterge bir jerde barlyq logıstıkalyq qyzmet keshenin berýge múmkindik beredi», - deıdi Áset Asavbaev
Onyń aıtýynsha, porttyń qurylysy 2014 jyldyń shildesinde bastalady.
Sonymen qatar, KKM «Jezqazǵan - Beıneý» temir jol jelisinde qozǵalysty ashý josparlanyp otyr.
Sondaı-aq, 2013 jyly Jezqazǵan - Beıneý jáne Arqalyq - Shubarkól temir joldarynyń bas baǵyttaryn túıistirý iske asyryldy. Atalǵan ýchaskelerde qurylystyń jalǵastyrylyp jatqanyna baılanysty, stansalar men razezderdegi ınfraqurylym obektiler men áleýmettik-turmys ǵımarattaryn salýǵa 10 myńnan astam adam jumyldyrý josparlanyp otyr.
