Kólik jáne kommýnıkatsııa mınıstri Úkimet basshysyna «Batys Eýropa - Batys Qytaı» jobasynyń iske asý barysy jóninde baıandady
ASTANA. Maýsymnyń 8-i. QazAqparat. Búgin QR Premer-Mınıstri Kárim Másimov Jambyl oblysyndaǵy issapary barysynda «Batys Eýropa - Batys Qytaı» jobasynyń iske asý barysymen tanysty. QR Kólik jáne kommýnıkatsııa mınıstri Ábilǵazy Qusaıynov osy aımaqtaǵy, sondaı-aq tranzıttik avtomobıl dálizi ótetin barlyq bes oblys boıynsha júrgizilip jatqan jumystar jóninde baıandady,
dep habarlaıdy KKM baspasóz qyzmeti.
Búgingi kúni merdigerlik kompanııalar jalpy uzaqtyǵy 1 186 km ýchaskelerinde qurylys jumystaryn júrgizýde. Qazirgi tańda 2 975 jol-qurylys tehnıkasy, 12 996 adam, onyń ishinde 274 sheteldik mamandar jumyldyryldy. 1 165 myń m3 shaǵyltas, 1 416,7 myń m3 qum-qıyrshyq tas, 19,4 myń m3 temir-beton buıymdary ázirlendi.
Qyzylorda oblysynda joǵary keýekti asfalt-betonnan jol tabanyn tóseý jumystary bastalyp ketti.
2010-2012 jyldary qurylys alańdarynda 10 myńnan astam jol-qurylys tehnıkasy men jabdyqtar jáne 50 myń adam jumyldyrý kózdelgen.
Anyqtama: «Batys Eýropa - Batys Qytaı» transqurlyqtyq dálizdiń qazaqstandyq ýchaskesiniń uzaqtyǵy 2787 km. Onyń 2452 km ýchaskelerinde qaıta salý jumystary júrgiziledi. Respýblıkalyq bıýdjettik komıssııanyń 2008 jylǵy 13 jeltoqsandaǵy sheshimimen jobany qarjylandyrý mehanızmderi men kózderi anyqtalǵan. 1644 km qaıta salý jumystaryna 422 mlrd. teńgeni quraıtyn halyqaralyq qarjy ınstıtýttarynyń zaımdary jumsalady. Dálizdiń 510 km jalpy kólemi 267 mlrd teńge kontsessııalyq negizdegi jekemenshik ınvestıtsııalar arqyly salynady. Respýblıkalyq bıýdjetten bólinetin 136 mlrd teńge 298 km jóndeýge, sondaı-aq zaım qarjylaryna qaıta salynyp jatqan ýchaskelerdegi jumystardy qarjylandyrýǵa baǵyttalady.
Ótken jyldan bastap, halyqaralyq qarjy ınstıtýttary qarjylandyrǵan ýchaskeler boıynsha merdigerlik kompanııalardy anyqtaý boıynsha konkýrstyq protsedýralar ótkizilýde. Búgingi kúni uzaqtyǵy 967 km ýchaskeler boıynsha merdigerler anyqtaldy, osy jarty jyldyqtyń aıaǵyna deıin 181 km joldy qaıta salý boıynsha merdigerlermen kelisimshartqa qol qoıylady. Qalǵan 496 km boıynsha konkýrstyq protsedýralar jyldyń aıaǵyna deıin ótkiziledi.
