Kólik jáne kommýnıkatsııa mınıstri Berik Kamalıev áýejaılardaǵy mıgratsııalyq baqylaý protsedýralaryn barynsha ońaılatý boıynsha sharalar jasaýdy usyndy
ASTANA. 14 qyrkúıek. QazAqparat. 2011 jylǵy 13 qyrkúıekte QR kólik jáne kommýnıkatsııa mınıstri B. Kamalıev azamattyq avıatsııa máseleleri jóninde keńeıtilgen jınalys ótkizdi, dep habarlaıdy mınıstrliktiń baspasóz qyzmeti.
Jınalysqa Bas prokýratýra, Bas kóliktik prokýratýra, Ulttyq qaýipsizdik komıtetiniń shekaralyq qyzmeti, Qarjy mınıstrliginiń kedendik baqylaý komıteti, «Samuryq-Qazyna» ulttyq ál-aýqat qory» AQ, Astana men Almaty qalalary áýejaılary jáne «Eır Astana» men «Skat» avıakompanııalarynyń ókilderi qatysty.
Jınalysty asha otyryp, mınıstr Berik Kamalıev ushýdyń júıeliligi máselesi Elbasynyń erekshe nazarynda ekendigin atap ótti.
Astana áýejaıyndaǵy aǵymdaǵy jyldyń 8 aıynda ushý júıeliligi 86% quraǵanyn B. Kamalıev ataı otyryp, kidiristerdiń negizi sebepteri áýe kemeleriniń keshigip kelýi (64%), áýe kemeleriniń aqaýlyǵy (9%), áýejaılardaǵy meteorologııalyq jaǵdaılarǵa baılanysty (8%) bolyp otyrǵandyǵyn aıtty. Sondaı-aq, jolaýshylardy tirkeý kezinde qyzmetterdiń ózara is-qymldaryn úılestirýdiń jetkiliksiz bolýynan atalǵan protsedýralardy ońtaılandyrý qajettiligi týyndaıdy. Mınıstr «Eır Astanany» reısterdiń uzaq kidirýi jalǵasyp jatqanyn synǵa aldy.
Jınalysta ushý júıeliligin jáne kórsetiletin avıatsııalyq qyzmetterdiń sapasyn arttyrý boıynsha is sharalar josparynyń oryndalý barysy talqylandy. Atalǵan josparǵa sáıkes kólik jáne kommýnıkatsııa mınıstrliginde avıareısterdiń júıeli oryndalýyn baqylaıtyn operatıvti shtab quryldy.
Ushý júıeliligi Qazaqstannyń áýejaılaryndaǵy shekaralyq jáne kedendik qyzmetterdiń is-qımyldarynyń úılesimdiligine táýeldi jáne áýe kemeleriniń jerdegi turyp qalýlaryn barynsha azaıtý maqsatynda Іs sharalar josparyna sáıkes shekaralyq jáne kedendik qyzmettermen protsedýralardy ońaılatý jóninde jumys josparlanǵan. Bul jumystar negizinen áýe kemelerin shekaralyq baqylaý ýaqytyn qysqartý, pasporttyq baqylaý kezinde tehnologııalyq jańashyldyqtardy qoldanýǵa baılanysty.
«Eır Astana» men «Skat» avıakompanııalary jáne Astana men Almaty áýejaılarynyń basshylaryn, sondaı-aq, kóliktik prokýratýra men shekaralyq qyzmet ókilderiniń pikirlerin tyńdaı kele, mınıstr Berik Kamalıev áýejaılardaǵy kedendik, shekaralyq jáne pasporttyq baqylaý protsedýralaryn jeńildetý máseleleri jóninde jumys tobyn qurýdy usyndy. Atalǵan top osy saladaǵy qyzmetti retteıtin zańnamaǵa ózgerister engizý boıynsha usynystardy jasaýmen aınalysatyn bolady.
