Kólik jáne kommýnıkatsııa mınıstri ákimshilik kedergilerdi qysqartý máselelerine baılanysty keńeıtilgen keńes ótkizdi

dep habarlaıdy atalǵan mınıstrliktiń baspasóz qyzmetinen.

Keńeske ındýstrııa jáne jańa tehnologııalar, syrtqy ister mınıstrlikteri, «Atameken» Odaǵy» ulttyq ekonomıkalyq Qazaqstan palatasy, sonymen qatar, kólik-kommýnıkatsııalyq keshenderiniń odaqtary qatysty.

Keńes barysynda bıznes qurylymdardan túsken usynystarǵa baılanysty baqylaý jáne tekserý qyzmetin júzege asyrýdaǵy birqatar máselelerdi sheshý jáne kólik qyzmeti naryǵyndaǵy ákimshilik júkteýlerdi qysqartýǵa baǵyttalǵan sharalar talqylandy.

Kólik jáne kommýnıkatsııa mınıstrliginde 100 ruqsat berý qujattarynyń 30-yn qysqartý jaıly sheshim qabyldandy.

Tek qana kóliktik baqylaý salasyna ruqsat berý qujattarynyń 40%-dan astamy qysqartýǵa jatady. Birqatar ruqsat berý qujattary men fýnktsııalar básekelik ortaǵa jiberiledi.

Memlekettik qyzmetkerler men ótinish berýshilerdiń tikeleı qatynastaryn tyıý maqsatynda kóliktik baqylaý organdary kórsetetin alty memlekettik qyzmet HQKO-na balamasyz negizde beriledi. Atalǵan qyzmetterdi 2012-2014 jyldary aralyǵynda avtomattandyrý qarastyrylǵan.

Kóliktik baqylaý beketteriniń ońtaılandyrý máselesi de atalyp ótildi. Kólik mınıstri B. Kamalıevtiń buıryǵymen 18 statsıonarlyq beket qysqartyldy. Kóliktik baqylaýdan ótken soń ilespeli qujattarda beket mórtabany qoıylady. Ol onyń baqylaýdan ótkenin jáne basqa bekette qaıtadan ótpeýin rastaıdy.

Sondaı-aq jıyn barysynda qoǵamdyq uıymdardyń usynystaryn esepke ala otyryp, mınıstrlikte sý jáne avtomobıl kóligindegi qurylymdyq bólimshelerin qurý jóninde sheshim qabyldandy.

Ulttyq halyqaralyq avtokólik tasymaldaýshylardyń naryǵyn qorǵaý boıynsha da jumys kúsheıtilýde. Aǵymdaǵy jylǵy shilde aıynyń sońyna deıin eki jaqty ruqsat berý qujattaryn úshinshi elderge tasymaldaýdy júzege asyrýdy boldyrmaýdy kózdeıtin «Halyqaralyq avtomobıl tasymaldaýǵa ruqsat berý júıesin qoldaný erejelerin bekitý týraly» QR Úkimet qaýlysyn qabyldaý kútilýde.

Sonymen qatar, kelisýshilik organdaryn, kelisý merzimderin qysqartý jáne aýyr salmaqty júkti tasymaldaýǵa arnaıy ruqsat berý tártibin jeńildetý kózdelgen qaýly jobasy Úkimetke engizildi.

Keńestiń qorytyndysy boıynsha, kólik mınıstri Berik Kamalıev joǵaryda atalǵan is-sharalardy júzege asyrýdy tapsyrdy jáne bıznes qaýymdastyǵymen odan ári syndarly árekettestiktiń qajettiligin atap ótti.