Kólik jáne kommýnıkatsııa mınıstri Ábilǵazy Qusaıynov avıatorlardy marapattady
ASTANA. 7 jeltoqsan. QazAqparat - Búgin, 7 jeltoqsan kúni Kólik jáne kommýnıkatsııa mınıstrliginde Halyqaralyq azamattyq avıatsııa kúnine arnalǵan saltanatty jıyn ótti.
Kólik jáne kommýnıkatsııa mınıstri Ábilǵazy Qusaıynov óz quttyqtaý sózinde qazaqstandyq avıatorlardyń ózderiniń kásibı merekesine jaqsy nátıjelermen kelgenin atap ótti jáne jetistikteri úshin birqatar avıatorlardy qurmet gramotalarymen jáne alǵys hattarmen marapattady. Olardyń qatarynda «Astana halyqaralyq áýejaıy» aktsıonerlik qoǵamynyń, «Eır Astana» kompanııasynyń, «Qazaeronavıgatsııa» kásipornynyń ókilderi bar.
Halyqaralyq azamattyq avıatsııa týraly konventsııaǵa qol qoıylǵanyna 50 jyl tolýyna oraı 1994 jylǵy 7 jeltoqsanda Halyqaralyq azamattyq avıatsııa kúni BUU Bas Assambleıasynyń resmı merekesi bolyp jarııalanǵan bolatyn. Atalǵan konventsııaǵa sáıkes IKAO Birikken Ulttar Uıymynyń arnaıy mekemesi retinde tanylady.
