Kólik vedomstvosynyń basshysy «Eır Astana» AQ jáne «Kazaeronavıgatsııa» RMK qyzmetterin odan ári damytý máseleleri boıynsha keńes ótkizdi
ASTANA. 26 sáýir. QazAqparat. 2011 jylǵy 25 sáýirde Qazaqstan Respýblıkasy Kólik jáne kommýnıkatsııa mınıstri Berik Kamalıev «Samuryq-Qazyna» UÁQ AQ, «Eır Astana» AQ jáne «Kazaeronavıgatsııa» RMK ókilderiniń jáne basshylarynyń qatysýymen 2011 jylǵy 17 sáýirdegi Memleket basshysynyń QR Úkimetiniń keńeıtilgen otyrysynda bergen tapsyrmalaryn júzege asyrý maqsatynda keńes ótkizdi,
dep habarlady KKM baspasóz qyzmeti.
Keńes barysynda atalǵan áýe kásiporyndarynyń basshylary Pıter Foster jáne Sergeı Qulnazarovtyń «Eır Astana» AQ jáne «Kazaeronavıgatsııa» RMK qyzmetteriniń nátıjeleri jáne damý josparlary týraly aqparattary tyńdaldy.
Keńestiń qorytyndysy boıynsha B.Kamalıev «Eır Astana» AQ basshylyǵyna 7 saǵattyq ushý shekteýindegi álemniń iri qalalarymen tikeleı jańa áýe qatynastaryn ashý múmkindigin, sondaı-aq, aldaǵy ýaqytta áýe kemeleri parkin jańartý máselelerin qarastyrýdy tapsyrdy. Al «Kazaeronavıgatsııa» RMK basshylyǵyna 2015 jylǵa deıin memleketimizdiń tranzıttik áleýetine saraptama júrgizip, onyń damý jaǵdaıyn qalyptastyrý, sonymen qatar, Qazaqstan Respýblıkasynyń áýe keńistigine paıdalanýshylardy tartý boıynsha jumystaryn ári qaraı jalǵastyrý tapsyrmalary berildi.
