Kólik vedomstvosynyń basshysy «Batys Eýropa - Batys Qytaı» jobasyn iske asyrý máselelerin Dúnıejúzilik bank ókilderimen talqylady

STANA. Aqpannyń 24-i. QazAqparat. 2010 jylǵy 23 aqpanda QR Kólik jáne kommýnıkatsııa mınıstri Ábilǵazy Qusaıynov Dúnıejúzilik bank ókilderi - Ortalyq Azııa óńiri boıynsha óńirlik dırektor Moto Konıshı jáne Eýropa jáne Ortalyq Azııa óńiri boıynsha kólik sektorynyń basshysy Genrı Keralımen kezdesti,

dep habarlaıdy KKM baspasóz qyzmeti.

Kezdesý barysynda taraptar «Batys Eýropa - Batys Qytaı» halyqaralyq tranzıt dáliziniń ýchaskelerin qaıta salý jumystarynyń júzege asyrylýyn talqyǵa saldy. Bul Qyzylorda oblysynda 14 lot jáne Ońtústik Qazaqstan oblysynda 8 lot, sonymen qatar Qyzylorda qalasynyń aınalma joly.

Anyqtama: Búgingi kúni Qyzylorda óńiri boıynsha ázirlik jumystary júrgizilýde. 198 jol-qurylys tehnıkasy men 477 adam jumys qyzmetkerleri jumyldyrylǵan, qurylys materıaldaryn ázirleý jumystary júrgizilýde.

Moto Konıshı 2 125 mln. AQSh dollary - Dúnıejúzilik bank tarıhyndaǵy eń úlken zaem ekendigin atap ótti. ıAǵnı, atalǵan qarjy ınstıtýtynyń qatysýmen iske asyrylǵan eń iri joba. Banktiń qatysýynyń eń basty prıntsıpi - barlyq tehnıkalyq, ekologııalyq jáne áleýmettik qaǵıdattardyń saqtalýy bolyp tabylady.

Ábilǵazy Qusaıynov óz kezeginde kólik-kommýnıkatsııa kesheni osy tárizdes jobalardy iske asyrý boıynsha tájirıbesi bar ekendigin atap ótti. Olardyń qatarynda, respýblıkadaǵy alǵashqy Astana - Şýche avtobanynyń qurylysy. Atalǵan avtomobıl joly tsement-beton jabyndyny tóseýdiń jańa tehnologııasyn paıdalaný arqyly salynǵan. Qurylys barysynda atalǵan óńirdiń ekonomıkalyq damýyna da asa erekshe nazar aýdarylǵan, onyń ishinde jol boıy qyzmet kórsetý pýnktterin, jańa óndiristerdi, sonymen qatar jańa jumys oryndaryn ashýǵa kóńil bólingen. Bul jobanyń tabysty aıaqtalýy «Batys Eýropa - Batys Qytaı» mega-jobasyna ózindik bir daıyndyǵy ispetti bolǵan.