Kólik vedomstvosynyń basshysy Astana men Almaty áýejaılaryn odan ári damytý máseleleri boıynsha otyrys ótkizdi

dep habarlady QR Kólik jáne kommýnıkatsııa mınıstrliginiń baspasóz qyzmeti.

Otyrys barysynda «Astana halyqaralyq áýejaıy» AQ prezıdenti Qaırat Jaýhanov jáne «Almaty halyqaralyq áýejaıy» AQ birinshi vıtse-prezıdenti Qoblandy Týmyshevtiń aqparattary tyńdaldy. Astanalyq áýejaı basshysy óz sózinde iri halyqaralyq is-sharalardy ótkizý daıyndyǵy kezinde, ıaǵnı EQYU Sammıti jáne Qysqy Azııa oıyndaryna baılanysty áýejaı ınfraqurylymyn túbegeıli damytýǵa baǵyttalǵan jumystar atqarylǵanyn atap ótti. Osy is-sharalarǵa daıyndyq barysynda zamanaýı arnaıy tehnıka satyp alynyp, avıatsııalyq qaýipsizdik boıynsha ortalyq ashyldy jáne tranzıttik áleýet arttyryldy. Sonymen qosa, aldaǵy ýaqytta qyzmet kórsetý deńgeıiniń jaqsarýyna, sondaı-aq, áýe reısteriniń keshigýin azaıtýǵa baılanysty kóptegen is atqarylýy qajet. Kólik vedomstvosynyń basshysy astanalyq áýejaı basshylyǵyna tranzıt pen logıstıka áleýetin ári qaraı damytýǵa jáne jolaýshylar aǵynyn arttyrýǵa basa nazar aýdarý qajettigin aıtty. Áýejaı basshylyǵyna áýejaıdy odan ári damytý maqsatynda aldaǵy ýaqytta júk jáne jolaýshy aǵyny boıynsha jańa talaptar men monıtorıngti eskere otyryp, usynystar berý tapsyryldy.

Almaty áýejaıynyń birinshi vıtse-prezıdenti óziniń baıandamasynda qazirgi tańda Almaty áýejaıy Ortalyq Azııada jetekshi oryn alyp turǵanyn atap ótti. Áýejaı kásiporynnyń qarjylyq jaǵdaıyn turaqtandyrýǵa qol jetkizdi. Sóıtip, 2010 jylǵy kiris 2009 jylǵy kirispen salystyrǵanda 31%-ǵa joǵary boldy. 2011 jyly da dál sondaı úrdis baıqalady. Qyzmetkerlerdiń jalaqysy 20%-ǵa artty. Keleshekte áýejaıdy keńeıtý josparlanýda. Shetel áriptesteri arqasynda áýejaı eýropalyq standarttarǵa sáıkes jolaýshylarǵa jelilik qyzmet kórsetýde. Kóliktik-logıstıkalyq ortalyqtyń negizi mýltımodaldi termınal bolady.

Otyrysty qorytyndylaı kele, B. Kamalıev eki áýejaı basshylaryna suranystyń ósýin jáne halyqaralyq standarttardy eskere otyryp, kásiporyndardy odan ári damytý jóninde usynystar engizýdi tapsyrdy. Onyń ishinde, Dırektorlar keńesi men memlekettik organdar qarastyrýdy talap etetin máselelerdi eskerýge tapsyrma berdi. «Astana halyqaralyq áýejaıy» AQ ushyp kelý halyqaralyq sektoryndaǵy jolaýshylarǵa jáne bıznes-jolaýshylarǵa qyzmet kórsetý sapasyn jaqsartýǵa baılanysty usynystar men ony sheshý joldaryn usyný, sondaı-aq, Japonııa Halyqaralyq yntymaqtastyq bankige (JBIC) qarjylyq qaryzdy qaıta qurylymdaý jóninde usynystar engizý jáne áýejaı keshenin odan ári damytý boıynsha tapsyrmalar berildi. «Almaty halyqaralyq áýejaıy» AQ-ǵa Almaty qalasynda ornıtologııalyq jaǵdaıdy jaqsartý boıynsha usynystar engizý, sonymen qatar, mýltımodaldi logıstıkalyq ortalyqty aldaǵy ýaqytta damytý jóninde jáne jańa aerovokzal kesheni qurylysy boıynsha aqparat berý tapsyryldy.