Kólik úshin zeınetkerdiń ómirin qıǵan kúdikti quryqtaldy
ASTANA. 10 shilde. QazAqparat - Ońtústik Qazaqstan oblystyq ІІD krımınaldyq polıtsııa qyzmetkerleri Qyzylorda oblysy Jalaǵash aýylynyń 25 jastaǵy turǵynyn quryqtady.
Qolǵa túsken jigit avtokólikti ıelený maqsatynda Ońtústik Qazaqstan oblysynyń 64 jastaǵy turǵynyn óltirgendigi anyqtalyp otyr.
«Qart kisi mamyr aıynyń sońynda iz-tússiz joǵalyp ketken. Denesinde úsh pyshaq jaraqaty bar jábirlenýshiniń máıiti Ońtústik Qazaqstan oblysy Ordabasy aýdanyndaǵy Temırlanovka aýylynyń shetinde tabylǵan. 64 jastaǵy zeınetker «Opel-Vektra» avtokóliginde jeke tasymaldaý qyzmetimen aınalysqan. Qazirgi tańda kúdikti qamaýǵa alynyp, qylmystyq is qozǵaldy», - dep málim etti búgin Astanada ótken brıfıngte QR ІІM-niń resmı ókili Nurdildá Oraz.
Tergeý amaldarynyń nátıjesine sáıkes, kúdiktiniń sybaılastary bolǵan degen boljam bar. Qazir olardy anyqtaý maqsatynda is-sharalar júrgizilýde. Jábirlenýshiniń avtokóligi turǵan jerdi anyqtaý jumystary da jalǵasýda.
