Kólik urlyǵyna jol bermeý úshin qandaı erejelerge mán berý kerek
NUR-SULTAN. QazAqparat – Bıyl elimizde 1,3 myńǵa jýyq avtokólik urlaýshy ustaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.
«Jyl basynan beri respýblıka boıynsha polıtsııa qyzmetkerleri myń úsh júzge jýyq avtokólik urlaýshyny, onyń ishinde toptyń quramynda bolǵan elýge jýyq adamdy ustady», - dedi resmı ókil.
Onyń aıtýynsha, Іshki ister mınıstrligi qabyldaǵan sharalar jyl basynan beri urlyq pen kólikti zańsyz ıelený qylmystary sanyn úshten birge azaıtýǵa múmkindik berdi.
«Biraq avtomobıl urlyǵyna jol bermeý úshin qarapaıym qaýipsizdik erejelerin saqtaý qajet. Atap aıtsaq, otalyp turǵan avtokólikti eshqashan ashyq qaldyrmańyz, tún kezinde avtokólikti garajǵa nemese kúzetiletin turaqqa qoıyńyz. Sonymen qatar, qylmysker kólikti tez ıelene almaıtyndaı shara qoldanyńyz, ıaǵnı urlyqqa qarsy elektrondyq jáne mehanıkalyq qurylǵylarmen jáne GPS-maıaktarmen jabdyqtańyz», - dep keńes berdi Nurdildá Oraz.
Budan buryn habarlanǵandaı, Shymkentte 11 kólikti urlaǵan kúdikti ustaldy.
