Kólik urlyǵyna qatysty halyqaralyq qylmystyq top qolǵa tústi - QR ІІM
ASTANA. QazAqparat - Avtokólik quraldaryn zańsyz ıelenýge qatysty qylmystardyń aldyn alý jáne ashý, olardy jasaǵan adamdardy anyqtaý men ustaý boıynsha qabyldanyp jatqan sharalardyń tıimdiligin arttyrý maqsatynda «Kólikti aıdap ketý» jedel-aldyn alý is-sharasy ótkizildi.
«8-10 qazan aralyǵynda uıymdastyrylǵan bul sharaǵa ishki ister organdarynyń 6,5 myńǵa jýyq qyzmetkeri tartyldy. Krımınaldyq jáne ákimshilik polıtsııa bólinisteriniń qatarynan 864 jedel-izdestirý toby quryldy»,-delingen QR ІІM Krımınaldyq polıtsııa departamentiniń málimetinde.
Qabyldanǵan sharalardyń arqasynda buryn jasalǵan 80 avtoqylmys (21 urlyq pen 59 aıdap ketý), sondaı-aq «ótken jyldar» sanatyndaǵy jasalǵan tıisinshe 2 urlyq pen 5 aıdap ketý qylmystary ashyldy. Máselen, Ońtústik Qazaqstan oblysynyń ІІD-de Ózbekstan azamaty ustaldy, ol úsh avtomashına urlyǵyn jasaǵanyn moıyndady. Sondaı-aq Shymkent qalasy turǵynynyń osyǵan uqsas jeti qylmysqa qatystylyǵy dáleldendi. Urlyq jáne aıdap ketý qylmystaryn jasaǵany úshin 88 adam ustalyp, olardyń 83-i (onyń ishinde bir top adamdar jasaǵan 10 qylmys úshin) qylmystyq jaýapkershilikke tartyldy. Bir halyqaralyq qylmystyq top anyqtalyp, olardyń qylmystyq áreketiniń joly kesildi. Máselen, Aqtóbe oblysynyń ІІD qyzmetkerleri Reseı Federatsııasy Orynbor ІІB qyzmetkerlerimen birlesip, jedel-izdestirý is-sharalaryn ótkizý kezinde Aqtóbe, Shymkent jáne Orynbor qalalarynyń úsh turǵynyn ustap, Reseı aýmaǵynda urlanǵan birneshe avtokólikterdi (Nıva-Shevrole jáne eki VAZ) tárkiledi. Qazirgi ýaqytta atalǵan adamdardyń qylmystyq áreketin qujattandyrý jáne baılanystaryn anyqtaý boıynsha jedel-izdestirý is-sharalarynyń kesheni júrgizilýde. Sondaı-aq, izdestirýde bolǵan 79 avtomashına tabyldy. Avtokólik quraldaryn urlaý jáne aıdap ketý qylmystaryn jasaǵany úshin izdeý jarııalanǵan 3 qylmysker jáne 2 kúdikti ustaldy.
