Kólik urlyǵyna qarsy operatsııa kezinde Qyrǵyzstannyń «Manas» avıakompanııasynyń prezıdentinen urlanǵan kólik tabyldy
ASTANA. Jeltoqsannyń 7-si. QazAqparat /Aıdar Ospanalıev/ - Búgin jýrnalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanysh Jumanov kólik urlyqtaryn áshkereleýge baǵyttalǵan «Kólik urlyǵy» operatsııasynyń nátıjesin jarııa etti,
dep habarlaıdy QazAqparat.
Onyń málimetterine qaraǵanda, keń aýqymdy operatsııa jeltoqsannyń 1-i men 3-i aralyǵynda júrgizilgen. Oǵan 6 myńnan astam tártip saqshylary tartylyp, 2 myńnan astam kólik jóndeý oryndary men avtoturaqtar, garajdar men kólikke qyzmet kórsetý oryndary jáne
1 myń 448 avtobólshek satatyn oryndar tekserilgen. «Operatsııa barysynda arnaıy uıymdastyrylǵan shara arqyly kólikten múlik urlaýdyń 5 áreketi áshkerelendi. Osy merzimde 35 kólikti qoldy qylý áreketi tirkelip, onyń 33-niń izi sýymaı ashyldy. Kólik urlady degen kúdik keltirilip júrgen 111 azamat ustalyp, 3 qymystyq toptyń isi jarııa etildi», dedi departament bastyǵy.
Onyń málimetteri boıynsha, urlanǵan 92 kólik zańdy ıelerine qaıtaryldy. Jambyl oblystyq Іshki ister departamentiniń qyzmetkerleri «Leksýs RX-300» kóligin Almatydan urlap, Tarazda saýdalamaq bolǵan qalanyń eki turǵynyn ustady. Almatyda Qarasaı aýdanynyń Alataý poselkesindegi turǵyndardyń birinen qaraqshylyq shabýyl arqyly urlanǵan «Mersedes-Bents S-500» kóligi tabyldy. Qaraǵandylyq polıtseıler 2008-2009 jyldar aralyǵynda «BMV», «Folksvagen», «Aýdı», «Folksfagen-vento» kólikterin urlaǵan 3 kúdiktini qolǵa túsirdi. Sondaı-aq operatsııa barysynda qarasha aıynda Qyrǵyzstannyń «Manas» avıakompanııasynyń prezıdentinen urlanǵan «Toıota Lend Krýzer» kóligi tabyldy.
