Kólik urlaýmen aınalysqan aǵaıyndylar qolǵa tústi - ІІM
ASTANA. 10 mamyr. QazAqparat - Almaty qalasynyń ІІD qyzmetkerleri jedel is-sharalar barysynda sheteldik kólikterdi urlaýmen aınalysyp júrgen Almaty oblysynyń turǵyndary - 22 jáne 23 jastaǵy aǵaıyndylardy ustady.
Bul týraly búgin QR Іshki ister mınıstrliginde ótken brıfıng barysynda málim boldy.
Mınıstrliktiń baspasóz hatshysy Nurdildá Orazdyń aıtýynsha, júrgizilgen jedel is-sharalar barysynda aǵaıyndy eki jigittiń qala turǵyndarynyń sheteldik kólikterin urlap júrgendigi dáleldendi.
«Ótken jyldyń qarashasy men bıylǵy jyldyń mamyr aıy aralyǵynda kúdiktiler aýladaǵy kólikterdi kiltpen ashyp, olardy bólshektep satý úshin sheteldik 3 kólikti («Mazda-626» 2 avtokóligi jáne Folksvagen Golf-2») qoldy qylǵany anyqtaldy. Tekserý barysynda ustalǵandardan eki kólik tárkilenip, ıelerine qaıtaryldy. Bir kólik bólshektengen kúıde anyqtaldy. Qylmyskerlerdiń ózge ashylmaǵan qylmystarǵa qatystylyǵy tekserilýde», - deıdi N. Oraz.
