Kólik urlaýmen aınalysqan 17 qylmystyq top áshkerelendi

NUR-SULTAN. QazAqparat – Jyl basynan beri kólik urlaýmen aınalysqan 17 qylmystyq top áshkerelendi. Bul týraly QR ІІM Krımınaldyq polıtsııa departamenti bastyǵynyń orynbasary Qanat Nurmaǵambetov málim etti, dep habarlaıdy QazAqparat tilshisi.

«Qabyldanǵan is-sharalardyń nátıjesinde bıyl kólik urlyǵynyń 13,3, al kólikti aıdap ketý qylmystarynyń 17,8 paıyzǵa tómendegeni baıqalady. Jyl basynan beri avtokólik urlanǵany úshin 749 adam, onyń ishinde 17 qylmystyq top ustaldy», - dedi Qanat Nurmaǵambetov.

Osy rette polıtsııa sheneýnigi kólik ıelerine qarapaıym qaýipsizdik normalaryn saqtaýǵa keńes beredi. ıAǵnı, kólik esigin ashyq qaldyrmaý, túnde kólikti garajǵa nemese kúzetiletin avtoturaqqa qoıý, urlyqqa qarsy dabyl júıesin ornatý, kólik ishinde baǵaly zattar men qujattar qaldyrmaý, jeke tulǵadan avtomobıl satyp alǵan kezde quqyq belgileýshi qujattaryn berýdi talap etý qajet.