Kólik urlamaq bolyp tutyldy
ASTANA. 15 tamyz. QazAqparat - Almaty aýdandyq ІІB-ne avtokóligin aıdap áketkeni týraly Astana qalasynyń 37 jastaǵy turǵyny aryz jazdy.
Bul aqparatty Astana qalalyq ІІD-niń baspasóz qyzmeti habarlap otyr.
Onyń atap ótýinshe, keshki mezgilde belgisiz azamat jeke turyn úı aýlasynda turǵan «USUZU» markaly manıpýlıator-avtokóligin aıdap áketýge tyrysqan. Jábirlenýshiniń úıdiń janynan ótip bara jatyp, aýla aldynda turǵan avtokólikte otaldyrý kilti turǵanyn baıqaǵan elordada ýaqytsha turatyn jumyssyz «R» esimdi azamat mas kúıinde mashınany aıdap ketpek bolǵan.
Kólikti urlap ketý uzaqqa sozylmady. Ketip bara jatqan avtokóliktiń daýysyn estigen qojaıyn úıden júgirip shyǵady. Alystap bara jatqan manıpýlıatordy kórgen ol óziniń jeńil kóligine minip, ony toqtatýǵa tyrysady. Shaqyrylǵan polıtsııa qyzmetkerleri de kólikti urlap ketpek bolǵan adamdy qolǵa túsirýge kómektesken.
Oqıǵa barysyn tergeý kezinde polıtsııa qyzmetkerleri kólik urlamaq bolǵan tulǵanyń bir jyldaı Astana qalasynda turatyndyǵyn jáne esh jerde jumys istemeıtinin, sondaı-aq buǵan deıin birneshe ret qylmystyq jaýapkershilikke tartylǵandyǵyn anyqtady. «R» esimdi azamat QR QK-niń 185 baby boıynsha 3 jylǵa deıingi bas bostandyǵynan aıyrylýy múmkin.
