Kólik turaǵyna talasqan bir taksıst ekinshisin basynan atyp tastady
QARAǴANDY. 24 mamyr. QazAqparat - Qaraǵandyda kólik turaǵyna talasqan bir taksıst ekinshisiniń basyna travmatıkalyq tapanshadan oq atty. Bul týraly oblystyq ІІD-niń jol polıtsııasy basqarmasynyń baspasóz qyzmetinen habarlady.
Polıtsııanyń aqparatynsha, oqıǵa 23 mamyr kúni vokzal mańyndaǵy alańda oryn aldy.
«60 jastaǵy taksı júrgizýshisi oqtan jaraqat alǵan. Jábirlenýshi oblystyq medıtsınalyq ortalyǵyna jetkizildi. Oblystyq ІІD-niń jol polıtsııasy ınspektory, polıtsııa serjanty Arman Arapov er azamatqa travmatıkalyq tapanshadan oq atqan buzaqyny ustady. Ol 57 jastaǵy taksıshi bolyp shyqty», - dedi JPB-nyń baspasóz ortalyǵynan.
Ustalǵan azamat aldaǵy talqylaý úshin polıtsııa bólimine tapsyryldy. Onyń aıtýynsha, janjalǵa kólikterdi qoıý orny sebep bolǵan.
«Buzaqyny ustaǵan jol polıtsııasynyń ınspektory kólik vokzalynyń aldynda qyzmetin atqaryp, jol jóndeý jumystarymen aınalysqan jol qyzmetkerlerine kómegin kórsetip turdy. Temirjol vokzalynyń qasynda ornalasqan kólik turaǵy jaǵynan dybys estigen ol oqıǵa ornyna barǵan. JPB-nyń basshylyǵy qylmysty «izin sýytpaı» ashýǵa septigin tıgizgen qyraǵylyǵy men jankeshtiligi úshin polıtsııa serjanty A.Arapovty marapattaýǵa usyndy», - dep atap ótti vedomstvonyń baspasóz qyzmetinen.
