Kólik turaǵy kúzetshilerin ıt talady, biri jan tapsyrdy
ALMATY. 22 shilde. QazAqparat - Almatyda tańǵy saǵat 4-te kúzetiletin kólik turaǵynyń aýmaǵynda volerinen shyǵyp ketken rotveıler tuqymdy ıt kúzetshilerge tap berdi.
Bul týraly qalalyq ІІD baspasóz qyzmetinen habarlady.
Saldarynan alǵan jaraqattardan 35 jastaǵy er adam 7-shi qalalyq aýrýhananyń jansaqtaý bóliminde kóz jumdy. Al tóbettiń qojaıyny bolyp tabylatyn ekinshi kúzetshi aýrýhanaǵa jatqyzyldy.
«Býran-77» saqshylyq kólik jasaǵynyń qyzmetkerleri ıttiń kózin qurtty. Olardyń áreketi QR «Quqyq qorǵaý qyzmeti týraly» zańynyń 61 baby, 6 bóligine sáıkes keledi.
Búgingi tańda protsessýaldy sheshim qabyldaý maqsatynda tergeýaldy sharalary qolǵa alyndy.
