Kólik tasymalyndaǵy jaǵdaı koronavırýs saldarynan keıin áli qalpyna kelgen joq - mınıstrlik

NUR-SULTAN. QazAqparat – Kóliktiń barlyq túrimen júk tasymaldaý kólemi 2 mlrd tonnany qurady. Bul týraly Úkimet otyrysynda jeti aıdaǵy áleýmettik-ekonomıkalyq damýdy talqylaý kezinde QR Indýstrııa jáne ınfraqurylymdyq damý mınıstrliginiń birinshi vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

«Kólik salasy koronavırýs ınfektsııasy indetinen keıin áli qalpyna kelgen joq. Eseptik kezeńde naqty kólem ındeksi 96,9% qurady. Tranzıttik konteınerlik tasymalda oń dınamıka saqtaldy. Kórsetkish 625,6 myń jıyrma fýnttyq balamany qurady. Ósim 37% boldy», - dedi Q. Óskenbaev.

Onyń aıtýynsha, kóliktiń barlyq túrimen júk tasymaldaý kólemi 2 mlrd tonna nemese ótken jyldyń sáıkes kezeńimen salystyrǵanda 96,8 paıyzdy qurady.

Budan buryn habarlanǵandaı, bıyl elimizde qara metallýrgııa salasynda ósim boldy.

Sonymen qatar, farmatsevtıka ónerkásibinde halyqtyń dárilik zattar men medıtsınalyq buıymdarǵa suranysynyń artýy esebinen óndiris kólemi 38,9% artty.