Kólik salyǵynyń 90 paıyzy tsıfrlyq aýdarym arqyly tólengen

NUR-SULTAN. QazAqparat - Jyl basynan beri e-Salyq Azamat qosymshasyn 400 myńnan astam salyqtóleýshi qoldanǵan, dep habarlaıdy QazAqparat.

Bul týraly Memlekettik kirister komıtetiniń óndiristik emes tólemderdi, jeke tulǵalardy ákimshilendirý jáne arnaıy salyq rejımi departamentiniń dırektory Azamat Sadyqov Ortalyq kommýnıkatsııalar qyzmetinde ótken baspasóz konferentsııasynda aıtty.

«Jyl basynan beri 400myńnan astam salyq tóleýshi e-Salyq Azamat mobıldi qosymshasyn paıdalandy. Tólengen salyqtyń 90 paıyzy tsırflandyrylǵan formatta ótti. Buǵan deıin aıtqanymyzdaı, salyqty komıtettiń mobıldi qosymshasy arqyly ǵana emes, bankterdiń qosymshalary arqyly da tóleýge bolady», - dedi Azamat Sadyqov.

Eske salsaq, buǵan deıin atalmysh sharada urlanǵan kólik ıeleri salyq tólemeý úshin qandaı qujat resimdeýi kerek ekeni aıtylǵan bolatyn.