Kólik salyǵyn eGov.kz portalynan bilip, tóleýge bolady
Bul servıs salyq tóleý organy men somasy týraly avtomatty túrde habardandyrý maqsatynda ázirlengen.
«QR Іshki ister mınıstrligi Ákimshilik polıtsııa komıtetiniń jáne QR Qarjy mınıstrligi Memlekettik kirister komıtetiniń derekter qoryn ıntegratsııalaý esebinen salyq tóleýshige árbir kóliktiń salyq tóleý somasyn bólek esepteýdiń qajeti joq. Jalpy somasy servıste kórsetiledi jáne ony tóleý úshin barlyq qajetti derekter kórsetiledi (TTK, BSK, SOK)» delingen habarlamada.
Servıs eGov.kz portalynyń basty betindegi «Servıster» bóliminde ornalastyrylǵan.
Qazirgi ýaqytta joǵaryda kórsetilgen múmkindik Qaraǵandy jáne Soltústik Qazaqstan oblystarynyń turǵyndaryna qoljetimdi.
«Pılottyq rejım aıaqtalǵannan keıin servıs eldiń barlyq aýmaǵynda jalpy paıdalaný úshin qoljetimdi bolady, sondaı-aq jer salyǵy men jeke tulǵalardyń múlik salyǵy boıynsha aldaǵy salyq tólemderin tekserý jáne tóleý múmkindigi bolady» dep málim etti kompanııanyń baspasóz qyzmeti.
Esterińizge sala keteıik, buǵan deıin atalǵan qyzmet tek Memlekettik kirister komıteti arqyly usynylǵan bolatyn.
Kólik quraldarynyń salyǵy aǵymdaǵy jyldyń 31 jeltoqsanyna deıin tólenýi tıis.
