Kólik salasyndaǵy árbir 1 mıllıard teńge ınvestıtsııa 20 myń jumys ornyn ashýǵa múmkindik beredi - EZI
ASTANA. QazAqparat - Kólik salasyna bólinetin árbir 1 mıllıard teńge 20 myń jumys ornyn ashýǵa septigin tıgizedi. Bul týraly búgin Ortalyq kommýnıkatsııalar qyzmetinde ótken brıfıngte «Ekonomıkalyq zertteýler ınstıtýty» AQ prezıdenti Maqsat Muqanov málim etti.
«Bizdiń zertteýler ınfraqurylymdardyń birine, onyń ishinde kólik salasyna salynatyn ınvestıtsııalar úlken ekonomıkalyq áser beretindigin kórsetip otyr. Árbir dollar shamamen 1,5 dollar paıda ákeledi. Sonymen qatar árbir mıllıard teńge ınvestıtsııa shamamen 20 myń jumys ornyn ashady», - M.Muqanov.
Onyń aıtýynsha, «Nurly jol» aıasynda jol qurylysyna jáne túrli logıstıkalyq ınfraqurylymdardy damytýǵa bólingen qarajattar daǵdarys tusynda úlken mýltıplıkatıvti áser beredi.
